Նիկոլական իշխանությունը փորձում է ջնջել Ցեղասպանության մասին ցանկացած հիշողություն․ Զուրաբյան

ՀԱԿ փոխնախագահ, վարչապետի թեկնածու Լևոն Զուրաբյանը գրել է․

«Նիկոլենք Հայոց Ցեղասպանության հարցը փորձում են ներկայացնել որպես «հայրենասիրության կայսերական մոդելի» ներշնչման արդյունք: Իրականում 1920-1930 թվականների այդ «կասրության» առաջնորդ բոլշեվիկները փորձում էին ջնջել հայերի մեջ ցեղասպանության մասին որևէ հիշողություն:

Հիմա այդ նույն բոլշեվիկյան քաղաքականությունը փորձում է որդեգրել նիկոլական իշխանությունը:

Հայոց Ցեղասպանության պահանջը չպիտի լինի Թուրքիայի հետ հարաբերությունների կարգավորման նախապայման և նման պահանջը չպիտի դրվի պետական արտաքին քաղաքականության օրակարգում: Այլ կերպ վարվելը ուղղակի վնասում է մեր շահերին:

Բայց ոչ ոք իրավունք չունի բռնանալ մեր մտածողության վրա և ջնջել մեր հիշողությունը, «շտկել» մեր ինքնությունը: Մենք կարող ենք հասնել խաղաղությանը ու բարիդրացիությանը Թուրքիայի հետ առանց մոռացության մատնելու մեր անցյալն ու պատմությունը:

Հիշողությունը չե´ս ջնջի»:

ՀԳ. Լավ, տեսնես ձեր հիշողությունը ովա ջնջել, որ ընդամենը երկու օր առաջ հայտարարեցիք, որ ՀԱԿ֊ի օրակարգում երբեք չի եղել ցեղասպանության հարցը միջազգայնացնելու։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝