«ՄԱՍՆԱԿՑԵԼ Է ՀԱԴՐՈՒԹԻ ԹԵԺ ՄԱՐՏԵՐԻՆ, ԱՆԶԻՋՈՒՄ ՊԱՅՔԱՐԵԼ ԹՇՆԱՄՈՒ ԴԵՄ». ԱՆՄԱՀ ՀԵՐՈՍ ՀՈՒՍԻԿ ՀՈՎԱԿԻՄՅԱՆ

Այսօր ապրիլի 23-ը, Ապրիլյան քառօրյա և Արցախյան 44-օրյա դաժան պատերազմների մասնակից ՀՈՒՍԻԿ ԳՐԻԳՈՐԻ ՀՈՎԱԿԻՄՅԱՆԻ ծննդյան օրն է, կդառնար 30-տարեկան։ «Եռաբլուր» զինվորական պանթեոն են այցելել հարազատներ, ընկերներ, որդեկորույս ծնողներ, ծաղիկներ խոնարհել ու խնկարկել։ Հուսիկի ծննդավայր Արարատի մարզի Բերքանուշ գյուղում տեղադրված հուշարձանին են այցելել Բաղրամյանի Փոստանջյանի անվան դպրոցի աշակերտներ, ուսուցիչներ ծաղիկներ խոնարհել ու խնկարկել։Անմահ հերոսի քույրը ՇՈՒՇԱՆԸ Iravunk. com -ի հետ զրույցում, խորը ցավը սրտում նշեց.

«Թանկագին եղբայրս ծնվել է 1996 թվականի այս օրը ապրիլի 23֊ին, Բերքանուշ գյուղում։ Նա 2014֊2016 թվականներին պատվով ծառայել է Արցախի հարավում Ջրականում։ Ծառայության ընթացքում մշտապես աչքի է ընկել լավագույն կողմերով, արժանացել շնորհակալագրերի, պատվոգրերի։ Մասնակցել է 2016֊ի Ապրիլյան քառօրյա պատերազմին, ապա Արցախյան 44֊օրյա դաժան պատերազմին։ 2020֊ի սեպտեմբերի 28֊ին կամավոր մեկնել է առաջնագիծ։ Անզիջում պայքարել է ոսոխի դեմ, մասնակցել նաև Հադրութի համար մղված թեժ մարտերին։ Հոկտեմբերի 21֊ին հերթական մարտական առաջադրանքը կատարելիս զոհվել է հերոսաբար։ Պետական սահմանը պաշտպանելիս ցուցաբերած արիության ու խիզախության համար «Արիության» և «Մարտական ծառայության» մեդալների։ Որքան էլ անցնի ժամանակ, միևնույն է մեր ցավը մնում է ցավ ու երբեք չի սպիանում։ Հուսիկը գիտակցաբար գնաց, շատ լավ գիտեր, որ հնարավոր է էլ տուն չդառնա, ցավոք հենց այդպես էլ եղավ։ Հզորս, Հուսս, շնորհավոր տարեդարձդ իմ միակ, իմ անգին, իմ թանկ Ապեր»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝