Ով է Հովիկ Աղազարյանի կուսակցության առաջին համար, ինչով է հայտնի․ Բացահայտում է անձամբ պատգամավորը

Հովիկ Աղազարյանի և Հակոբ Ասլանյանի ստեղծած «Միասնական ազգային սահմանադրական կուսակցությունը» մասնակցելու է ընտրություններին միայնակ։  «Իրավունքի» հետ զրույցում Հովիկ Աղազարյանը ասաց, որ իրենց բոլոր ջանքերը այլ ուժերի հետ միավորվելու ուղղությամբ ապարդյուն են անցել, և այդ պատճառով որոշել են միայնակ մասնակցել ընտրություններին․

-Բոլոր դեպքերում մենք ամեն ինչ արեցինք, որ մենակ չգնանք, նաև դրանով է պայմանավորված, որ վերջին օրերին ենք թղթերը պատրաստում՝ Կենտրոնական ընտրական հանձնաժողով ներկայացնելու համար։ Մենք հիմա քաղաքական գործընթացների մեջ ենք և չենք կարող դուրս գալ դաշտից։ Քաղաքացին, հայ ժողովուրդը պետք է ասի՝ պարոն Ասլանյան, պարոն Աղազարյան, շնորհակալ ենք ձեր մատուցած ծառայությունների համար, բայց գնացեք թոշակի, այդ ժամանակ մենք կգնանք քաղաքական թոշակի։ Ցավոք սրտի կա ձայների փոշիացման խնդիր, և հետևաբար մենք մեկ ճակատի գաղափարը տանելու ենք առաջ։ Երբ նման ճակատը ձևավորվի, և ճակատի անդամները գտնեն, որ մենք այսպես կոչված՝ Նիկոլի պրոյեկտն ենք, հետևություններ կանենք։

- Պարոն Աղազարյան, ով Ձեր առաջին համար կինը, ինչո՞վ է պայմամավորված նրա ընտրությունը ցուցակը գլխավորելու։

- Օֆելյա Ավագյանը դասախոս է։ Աշխատում է Երևանի տնտեսագիտական համալսարանի ֆինանսատնտեսագիտական քոլեջում, որպես հայերեն լեզվի և խոսքի դասախոս։ Ինքը հանդիսանում է մեր կուսակցության հիմնադիր անդամներից մեկը և երբ որ քննարկում էինք դա, մենք ունեինք 4 թեկնածու՝ պարոն Ասլանյանը, ես, Օֆելյա Ավագյանը և Լյովա Մխիթարյանը։ Քննարկումների արդյունքում եկանք այդ եզրակացությանը, ինչն էլ համաժողովը հաստատեց։ Մեզ համար կարեւորն այս փուլում այն է, որ վարչապետը չվերընտրվի։ Վարչապետը, որն ինձ համար նախկինում եղել է նպատակասլացության խորհրդանիշ, հիմա վերածվում է սևեռվածության խորհրդանիշի: Այսինքն՝ սևեռվում է այս կամ այն գաղափարի վրա, ու թե այդ գաղափարին հասնելու համար ինչ կորուստներ կարող են լինել, այնքան չի կարևորում, իսկ ես դա գնահատում եմ որպես վտանգավոր մոտեցում հարցերի լուծման համար: Վարչապետն առաջ է մղում չորրորդ հանրապետություն ստեղծելու գաղափարը, որի անհրաժեշտությունը բացարձակապես չկա, ու եթե որևէ քաղաքական ուժ գնա այդ ճանապարհով, դա իրական վտանգ է լինելու:

– Որո՞նք են լինելու այդ վտանգները:

– Ես չեմ գտնում, որ հապշտապ պետք է Սահմանադրություն փոխել, իհարկե դրա անհրաժեշտությունը կա, բայց դա պետք է լինի ընտրություններից հետո, այլ ոչ թե ընտրություններից առաջ: Միգուցե պարոն վարչապետը մտածում է, որ խաղաղության պայմանագիրը չի ստացվում կնքել, ու ժողովրդին պետք է ներկայանալ ինչ-որ ձեռքբերումով և մտածում է գնալ այդ ճանապարհով: 

– Պարո՛ն Աղազարյան, համակարծի՞ք եք հնչող տեսակետներին, որ Հայաստանում օր օրի խոսքի ազատությունից, ժողովրդավարությունից հետնահանջ է գրանցվում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝