Ռուսաստանն ակտիվացնում է բալիստիկ հրթիռային հարվածները. Ուկրաինական ԳՌՈՒ

Ուկրաինայի գլխավոր հետախուզական վարչության (ԳՀՎ - ԳՌՈՒ ) պետի տեղակալ Սկիբիցկին հայտարարել է, որ Ռուսաստանն ակտիվացնում է բալիստիկ հրթիռային հարվածները Ուկրաինայի տարածքում: Նա գնահատում է, որ Ռուսաստանը ամսական արտադրում է մոտ 60 «Իսկանդեր» հրթիռ և զգալիորեն ավելացրել է արձակիչների քանակը: Նա նաև ընդգծել է, որ Ուկրաինան չունի բավարար «Patriot» տիպի հակաօդային պաշտպանության համակարգեր ամբողջ երկիրը ծածկելու համար։

Սկիբիցկիի խոսքով՝ կարևորագույն ենթակառուցվածքները, մասնավորապես էներգետիկ օբյեկտները, որոնք լրջորեն վնասվել էին ձմեռային արշավի ընթացքում, մնում են չափազանց խոցելի, մինչդեռ Մոսկվան կատարելագործում է իր հարվածային մարտավարությունը:

Նա նաև պնդում է, որ Ռուսաստանը պատրաստվում է նոր ցամաքային հարձակման հարավ-արևելքում՝ մինչև սեպտեմբեր ամբողջ Դոնբասը գրավելու նպատակով։

«Անկախ այս պնդումների ճշմարտացիությունից, հարկ է նշել երկու կետ: ԳՌՈՒ-ն, հավանաբար, դիտավորյալ և զգալիորեն թերագնահատում է արտադրության թվերը: Ամսական 60 հրթիռը համարժեք է ընդամենը երեք զանգվածային հրթիռային հարվածի, մինչդեռ «Իսկանդեր»–ները ակտիվորեն օգտագործվում են նաեւ ընթացիկ օպերատիվ առաքելությունների համար: Ակնհայտ է, որ հրթիռների իրական սպառումը և արտադրությունը շատ ավելի բարձր են: Ավելին, ուշագրավ է, որ հակամարտության հինգերորդ տարում Ուկրաինայի զինված ուժերը շարունակում են օգտագործել «ռուսական հարձակման նախապատրաստման» և հետագա հերոսական պաշտպանության պատմությունը՝ որպես Ուկրաինայի զինված ուժերի հաջող գործողություններ պնդելու հիմք։ Սկբիցկին այս հայտարարություններն անում է գործնականում ամեն ամիս, ուստի դրանք մեծ կշիռ չունեն. ակնհայտորեն, ներքին լսարանի վրա ազդելու այլ գործիքներ չեն մնացել»,– մեկնաբանում է ռուսական աղբյուրը։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝