Թեհրանում կարծում են, որ կարողանում են սեպ խրել Թրամփի եւ Նեթանյահույի մեջ

Իրանի և ԱՄՆ-ի միջև Իսլամաբադում կայանալիք բանակցությունների մեկնարկը հետաձգվել է մինչև վաղը առավոտ։

Պակիստանի մայրաքաղաքում կայանալիք հանդիպման բոլոր նախապատրաստական ​​աշխատանքներն ավարտվել են, սակայն բանակցությունների մեկնարկը պաշտոնապես հետաձգվել է։

Պատճառը Իրանի վերջնագիրն է Լիբանանում Իսրայելի հարձակումների հետ կապված: Մի շարք տեղյակ աղբյուրներ ակնարկում են, որ թեեւ Թրամփը փորձում է Իրանի ուղղությամբ «ծանթ ու կրակ» արձակել, սակայն իրականում կատաղած է Նեթանյահույի վրա: Այն կարգի, որ, համաձայն նաեւ ամերիկյան աղբյուրների, պատրաստվում է աջակցել իսրայելական ընդդիմությանը արդեն բոլոր սահմաններն անցած Նեթանյահույից ազատվելու համար: Ըստ այդմ, պատահական չէ իսրայելյան ընդդիմության ծայրահեղ կոշտ քննադատությունը, որը սկսվել է Նեթանյահույի հասցեին:

Ամեն դեպքում, ըստ նույն աղբյուրների, Վաշինգտոնը ներկայումս ծայրահեղ ծանր բանակցությունների մեջ է Իսրայելի հետ` պահանջելով դադարեցնել Լիբանանում հարձակումները եւ չխանգարել Իրանի հետ բանակցություններին:

Իսկ Թեհրանում միայն «քթների տակ» ժպտում են, հասկանալով, որ կարողանում են սեպ խրել Թրամփի եւ Նեթանյահույի մեջ:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝