Պահքն էլ հարամ արեց. ԸՆԿԵՐ ՓԱՆՋՈՒՆԻ

ՍԱՀՄԱՆԱԴՐԱԿԱՆ ԿՈԼԱՊՍ

(«ԱՆԿԱԽՈՒԹՅԱՆ ՀՌՉԱԿԱԳԻՐԸ ՊԵՏՈՒԹՅԱՆ ԾՆՆԴԱԿԱՆՆ Է. ԽՆԴԻՐՆԵՐ ԿԱՐՈՂ ԵՆ ԱՌԱՋԱՆԱԼ». ՀՈՎԻԿ ԱՂԱԶԱՐՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Ըստ քաղտեխնոլոգների` բացարձակապես ոչ մի խնդիր էլ չի առաջանա, ուղղակի Հայաստանը կդառնա առանց ծննդականի անտեր եթիմ, որին Ալիեւը կորդեգրի։

**

ԹԵՎԱՎՈՐ ԽՈՍՔ

(ՆԻԿՈԼԸ` ԸՆԴԴԻՄՈՒԹՅԱՆԸ, ԸՆԴԴԻՄՈՒԹՅՈՒՆԸ` ՆԻԿՈԼԻՆ)

Հունիսի 7-ից հետո, հունիսի 8 կա։

**

ՄԻՆՉԵՎ ՉԻ ԳԱԼԻՍ ՀԵՏԻՆԸ, ՉԵՍ ՀԻՇՈՒՄ ԱՌԱՋԻՆԸ

(ՖՐԱՆՍԻԱՅԻ ԿՈՂՄԻՑ` ԱՄՆ-ԻՆ ԱՆԿԱՆԽԱՏԵՍԵԼԻ ԴԱՇՆԱԿԻՑ ԱՆՎԱՆԵԼՈՒ ԿԱՊԱԿՑՈՒԹՅԱՄԲ)

Ըստ քաղտեխնոլոգների` Ֆրանսիան ԱՄՆ -ի անկանխատեսելիությունը հասկացավ այն ժամանակ, երբ զգաց, որ ի տարբերություն Բայդենի, Թրամփի գլուխը ինչքան եփում են, ականջները միեւնույնն է` հում են մնում։

**

ՀԱՅԿ ԿՈՆՋՈՐՅԱՆԻ ՏՐՏՈՒՆՋԸ

(ԻՐ, ՄՈՐ ՈՒ ՔՐՈՋ ԱՌԱՆՁՆԱՏՆԵՐԻ ԳՈՐԾՈՎ ՆՈՐ ԳՈՐԾԸՆԹԱՑ ՍԿՍԵԼՈՒ ԿԱՊԱԿՑՈՒԹՅԱՄԲ)

Մորս հետ գործ չունեք, մերը սրբություն ա։

**

ՊԱՀՔՆ ԷԼ ՀԱՐԱՄ ԱՐԵՑ

(ՆԻԿՈԼԻ` ՊԱՀՔ ՊԱՀԵԼՈՒ ԵՎ ԱՅԴ ՇՐՋԱՆՈՒՄ ՈԳԵԼԻՑ ԽՄԻՉՔ ՕԳՏԱԳՈՐԾԵԼՈՒ ԿԱՊԱԿՑՈՒԹՅԱՄԲ)

Ըստ թեոլոգների` ոգելից խմիչքը կենդանական ծագում չունի, բայց նիկոլանմանների կողմից օգտագործելուց հետո` այն վերածվում է առյուծի կաթի։

**

ԳԻՐՔ ՉԿԱՐԴԱՑՈՂԸ` ԳԻՐՔ ԳՐՈՂ ԿԴԱՌՆԱ

«Բուկինիստ» գրախանութների ցանցից հայտնում են, որ Ռոբերտ Քոչարյանը պատրաստվում է հրատարակության հանձնել իր «Պատերազմ եւ խաղաղություն» ֆունդամենտալ աշխատությունը։

**

ՔՆՆՉԱԿԱՆ ԿՈՄԻՏԵԻ ԱՐՁԱԳԱՆՔԸ

(ՄԵԿ ԱՄՍԻՑ ԻՆՁ ՀԱՎԱՆԱԿԱՆ Է ԿԱԼԱՆԱՎՈՐԵՆ` «ՄԵՐ ՁԵՎՈՎ» ՇԱՐԺՄԱՆ ՂԵԿԱՎԱՐ ՆԱՐԵԿ ԿԱՐԱՊԵՏՅԱՆԻ ԱՐՏԱՀԱՅՏՈՒԹՅԱՆ ԿԱՊԱԿՑՈՒԹՅԱՄԲ)

Քննչական կոմիտեից հայտնում են, որ Նարեկ Կարապետյանին կալանավորելու դեպքում ոչ թե նրան ԱԱԾ մեկուսարան կտանեն, այլ` մանկական գաղութ։

**

ԻԼՀԱՄ ԱԼԻԵՎԻ ՀՐԱՄԱՆԱԳԻՐԸ

(ԵԹԵ ԱՐՑԱԽ ԵՔ ԱՍՈՒՄ, ԱՊԱ ԻՆՉՈՒ ԵՔ ՎԻՐԱՎՈՐՎՈՒՄ, ՈՐ ԱԴՐԲԵՋԱՆՑԻՆԵՐԸ ԵՐԵՎԱՆԸ ԱՆՎԱՆԱԿՈՉՈՒՄ ԵՆ ԷՐԻՎԱՆ` ԱԼԵՆ ՍԻՄՈՆՅԱՆԻ ԱՐՏԱՀԱՅՏՈՒԹՅԱՆ ԿԱՊԱԿՑՈՒԹՅԱՄԲ)

ԱԺ նախագահ Ալեն Սիմոնյանին նշանակել Ադրբեջանի մարդու իրավունքների պաշտպան՝ անժամկետ, նստավայրը՝ Երեւան։

**

ՁԵՎԻ ՀԵՏԵՎԻՑ ԵՆ ԸՆԿԵԼ

(«ԹՐԱՄՓԻ ՈՒՂԻՆ» ԼԱՎ ԲԱՆ Է` ՍԱՄՎԵԼ ԿԱՐԱՊԵՏՅԱՆԻ ԱՐՏԱՀԱՅՏՈՒԹՅԱՆ ԿԱՊԱԿՑՈՒԹՅԱՄԲ)

Ըստ լոգիստիկների միջազգային ասոցիացիայի` «Մեր ձեւով» շարժումը ուզում է գալ իշխանության եւ անել նույնը, ինչ Նիկոլը, բայց իրենց ձեւով։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝