Դատապարտում եմ բռնությունը. Հայտնի իրավապաշտպանը շտապ հայտարարությամբ է հանդես եկել

Հայտարարություն՝
Եկեղեցում տեղի ունեցած միջադեպի վերաբերյալ, որից հետո որոշ կերպեր հորթային հրճվանք են ապրում

Դատապարտում եմ բռնությունը՝ որպես մարդու արժանապատվության և հիմնարար իրավունքների կոպիտ ոտնահարում, որը որևէ պայմանով չի կարող արդարացվել։ Դատապարտում եմ այն՝ ինչպես իշխանության կողմից, այնպես էլ իշխանության ներկայացուցիչների ու պաշտոնատար անձանց նկատմամբ, քանի որ պետության անունից կամ պետական համակարգի շրջանակում դրսևորվող ցանկացած բռնություն խաթարում է իրավական պետության հիմքերը և կործանում հանրային վստահությունը։ Դա անթույլատրելի է և ձևավորում է վտանգավոր ու դատապարտելի նախադեպ։
Հայաստանում պետք է գործի օրենքի դիկտատուրան՝ հավասար բոլորի համար՝ անկախ պաշտոնից, կարգավիճակից կամ քաղաքական պատկանելությունից։ Միայն օրենքի գերակայությունն է, որ կարող է ապահովել արդարություն, կանխել բռնությունը և վերականգնել պետության նկատմամբ վստահությունը։
Ո՛չ փողոցային արդարադատությանը։
Ո՛չ ընտրովի արդարադատությանը։
Ո՛չ ցանկացած տեսակի բռնությանը։
Սա է Արևային Հայաստանի հիմնաքարը։

Փաստաբան Լևոն Բաղդասարյան

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝