Forbes-ը ներկայացրել է 2026-ին աշխարհի ամենահարուստ հայերի ցանկը

Ամերիկյան Forbes պարբերականը հերթական անգամ հրապարակել է աշխարհի ամենհարուստների 2026թ. ցուցակը, որոնց մեջ նաև ամենահարուստ հայերը: Միլիարդատերերի 2026թ.-ի ցուցակում կրկին հայտնվել է 9 հայ միլիարդատեր: 

b24-ի համաձայն, Forbes 2026թ.-ի ցուցակի համաձայն աշխարհի ամենահարուստ հայը Ռուսաստանաբնակ 54-ամյա Ալբերտ Ավդոլյանն է, որի կարողությունը վերջին տարում աճել է 2.1 մլրդ դոլարով և կազմել 7.1 մլրդ դոլար։ Նշենք, որ 2.1 մլրդ դոլար աճ գրանցվել էր նաև անցյալ տարի։ Yota հեռահաղորդակցական ընկերության հիմնադիր և էներգակիրների ու հանքարդյունաբերության ոլորտներում գործունեություն ծավալող Ավդոլյանը ցուցակի 557-րդ հորիզոնականում է։

Արգենտինահայ 93-ամյա Էդուարդո Էռնեկյանը ցուցակի 891-րդ հորիզոնականում է, 2025թ. համեմատ նրա կարողությունն աճել է 1.4 մլրդ դոլարով և կազմել 4.8 մլրդ դոլար։

Տաշիր ընկերությունների խմբի սեփականատեր 60-ամյա Սամվել Կարապետյանը 2026թ․-ի ցուցակի 1,044-րդ հորիզոնականում է։ Կարապետյանի կարողությունը գնահատվել է 4.1 մլրդ դոլար: 2025թ. համեմատ արձանագրվել է աճ 0.9 մլրդ դոլարով։

Մագնիտ առևտրային ցանցի նախկին սեփականատեր 58-ամյա Սերգեյ Գալիցկիի (Հարությունյան) կարողությունը 3.1 մլրդ դոլար է։ 2025թ.-ի համեմատ այն նվազել է 0.1 մլրդ դոլարով։ Գալիցնկին զբաղեցնում է ընդհանուր ցուցակի 1,376-րդ հորիզոնականը։

Մեծ Բրիտանիայում բնակվող ռուսաստանահայ 52-ամյա Անդրեյ Անդրեևի (Անդրեյ Հենրիխի Օհանջանյան) կարողությունը 2.6 մլրդ դոլար է։ 2025թ. համեմատ արձանագրվել է աճ 0.5 մլրդ դոլարով։ Նա ցուցակի 1,611-րդ հորիզոնականում է։

45-ամյա Քիմ Քարդաշյանի կարողությունն աճել է 0.2 մլրդ դոլարով և կազմել 1.9 մլրդ դոլար։ Նա ցուցակի 2,177-րդ հորիզոնականում է։

Նուբար Աֆեյանի կարողությունը 1.9 մլրդ դոլար է, նա ցուցակի 2,177-րդ հորիզոնականում է։ 2025թ. համեմատ 63-ամյա Աֆեյանի կարողությունն աճել է 0.7 մլրդ դոլարով։

Fix Price խանութների ցանցի համասեփականատեր 51-ամյա Արտյոմ Խաչատրյանի կարողությունն աճել է 0.2 մլրդ դոլարով և գնահատվել 1.8 մլրդ դոլար՝ 2,274-րդ հորիզոնական։

57-ամյա Ռուբեն Վարդանյանի (և ընտանիքի) կարողությունն աճել է 0.1 մլրդ դոլարով և կազմել 1.3 մլրդ դոլար, նա ցուցակի 2,858-րդ հորիզոնականում է։

Ամենաերիտասարդ հայ միլիարդատերը Քիմ Քարդաշյանն է, որը 45 տարեկան է, ամենատարեցը՝ Էդուարդո Էռնեկյանը՝ 93 տարեկան։

Աղբյուրը՝ b24

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝