Անարդարությունները կարելի է վիճարկել դատարանում, իսկ կնոջը անհրաժեշտ է ուղղակի սիրել. Հայտնի փաստաբանի շնորհավորական ուղերձը Կանանց միամսյակին ընդառաջ

Կանանց միամսյակին ընդառաջ «Իրավիւնքը» զրուցել  «Լեվ Գրուպ» փաստաբանական ընկերության հիմնադիր-ղեկավար, հայի գենը զտարյուն պահող եւ այն սերնդներին փոխանցող, բազմաթիվ աղմկահարույց գործերով նախադեպային վճիռների հասած,  ՀՀ-ում առաջատար իրավապաշտպան ԼԵՎՈՆ ՍՈԽԱԿԻ ԲԱՂԴԱՍԱՐՅԱՆԻ հետ։

25 տարի առաջ հիմնադրած «Լեվ Գրուպ» փաստաբանական ընկերության ղեկավարը եւ իր թիմը անցել են դժվարին ճանապարհը, բայց երբեք չեն ընկրկել, քանի որ միշտ եղել են այն համոզմունքին կամ գործը պետք է անել սիրով, կամ առհասարակ չանել: Եվ թերեւս որդեգրած սկզբունքն է, որ ընկերությունը հիմնադրման պահից մինչ օրս ՀՀ-ում ամենապահանջված ընկերությունն է, որը երբեք առաջատարի դիրքերը չի զիջում:

Կանանց տոնը նույնպես յուրովի է որոշել դիմավորել «Լեվ Գրուպ» փաստաբանական գրասենյակը, իսկ, թե ինչ կերպ բացառիկ մանրամասներ է ներկայացնում անձամբ հայտնի փաստաբանը.

-Ասում են՝ պատմության մեջ պատերազմների մեծ մասը սկսվել է կանանց պատճառով։
Եթե անկեղծ լինեմ՝ մանկությանս տարիների մեր բակի ու դպրոցի «ռազբորկաների» հիմնական պատճառը նույնպես աղջիկներն էին։ Այսինքն՝ տղամարդիկ դեռ փոքր տարիքից մտնում են մի պայքարի մեջ, որի իրավական գնահատականը երբեմն դժվար է տալ։

Կինը կարող է ամբողջ օրը սպասել սիրելի տղամարդու զանգին, բայց երբ այդ երկար սպասված զանգը վերջապես հնչի՝ կարող է չպատասխանել նրան։
Սա այն եզակի դեպքն է, երբ մարդը միաժամանակ օգտվում է սպասելու իրավունքից և լռելու իրավունքից։

Ասում են՝ տգեղ կին չկա։ Ուստի, երբ տղամարդուն հարցնում են՝ թխահե՞ր կին է սիրում, թե՞ շիկահեր, տղամարդը պետք է տա ամենաիրավական և անվտանգ պատասխանը՝ «ՀԱ»։ Սա միակ պատասխանն է, որը չի առաջացնում ո՛չ ընտանեկան վեճ, ո՛չ էլ հետագա դատական գործընթացներ։

Կանանց հետ վեճում տղամարդու լավագույն փաստարկը հաճախ լռությունն է

Շնորհավորում եմ ձեր տոնը, սիրելի կանայք։

Գարնան միամսյակի կապակցությամբ մինչև սույն թվականի ապրիլի 7-ը ներառյալ, յուրաքանչյուր հինգշաբթի՝ ժամը 16:00-ից մինչև 18:00, «Լեվ Գրուպ» փաստաբանական գրասենյակում կանանց համար հայտարարվում է Բաց դռների օր՝ ցանկացած իրավական հարցով խորհրդատվության համար։Նախնական գրանցումը պարտադիր է։

- Պարոն Բաղդասարյան, օգտվելով առիթից մի հարց թեմայից դուրս, Դուք ԴՕԿ կուսակցության շտաբի պետն եք։ Ինչպիսինն  եք տեսնում Հայաստանն ընտրություններից հետո։
- Կարճ պատասխանեմ. Արևային Հայաստան :

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝