Մխիթարյան, թե՞ Սուչիչ.Կիվուն դեռ վերջնական որոշում չունի Հայաստանի հավաքականում Տիկնիզյանն այլ դեմք է ցույց տալիս. հունական մամուլի դիտարկումները Մարտնչող «բարեփոխիչների» կլանը հերթական սուտն ու կեղծիքն է տարածում Ամենակարեվորն է, որ երեք առաջնորդները կարողացան նստել մեկ սեղանի շուրջ Պատահական չէ, որ Պուտինն ի ցույց դրեց «միջուկային ճամպրուկը» Զատկից հետո ներկած ձուն մեզ պետք չէ․ Շարմազանովը՝ Փաշինյանին Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան «Անհաջողության ջենթլմենները» կրկին հանձնվում են Նիկոլը փորձում է Մոսկվային համոզել, թե ինքը Հայաստանը ԵՄ կազմում տեսնում է 20 տարի անց Խոշոր վթար Վանաձորի գլխավոր ճանապարհին. Տեսանյութ

Պայթյուններ Նախիջեւանում. ինչ էին դրանք հուշում

Միջազգային

Ի­հար­կե, ի­րա­նա­կան պա­տե­րազ­մը (Տելս նաեւ https://iravunk.com/?p=335838&l=am), որ կող­մից էլ նա­յում ես, դեռ միայն վա­տա­գույն սցե­նա­րով է զար­գա­նում Թ­րամ­փի հա­մար: Բայց դրա­նով հան­դերձ, ո­րոշ փոր­ձա­գի­տա­կան աղբ­յուր­ներ մեկ կա­րե­ւո­րա­գույն հան­գա­ման­քի վրա եւս կենտ­րո­նա­ցել են` հի­շեց­նե­լով, որ Թ­րամփն ա­մե­նե­ւին էլ միայն Ի­րա­նի դեմ չի կռվում, այլ հար­վա­ծի հիմ­նա­կան թի­րա­խը Չի­նաս­տանն էր` չի­նա­ցի­նե­րին ի­րա­նա­կան ռե­սուրս­նե­րից եւս կտրե­լը:

Բ­նա­կա­նա­բար, ըստ նույն փոր­ձա­գետ­նե­րի, Պե­կի­նը ոչ մի պա­րա­գա­յում չէր կա­րող ան­տե­սել այդ ի­րո­ղութ­յու­նը: «Այն փաս­տը, որ ի­րա­նա­կան հրթիռ­նե­րը այդ­քան ճշգրիտ են հար­վա­ծում, թի­րախ­նե­րն ընտր­վում են ան­հա­վա­նա­կան ճշգրտութ­յամբ, եւ­ արդ­յունք­նե­րը շատ ա­վե­լի հա­ջող են, քան սպաս­վում էր, են­թադ­րում է, որ սա այլեւս չի պայ­մա­նա­վոր­վում Ի­րա­նի հնա­րա­վո­րութ­յուն­նե­րով: Ի­րա­նը գի­տի, թե որ հյու­րա­նո­ցում եւ­ որ հար­կում են գտնվում ԿՀՎ-ի եւ Մո­սա­դի սպա­նե­րը, եւ հար­վա­ծում է հենց այն­տեղ։ Ի­րա­նը նույ­նա­կա­նաց­նում է տա­րա­ծաշր­ջա­նում ԱՄՆ-ի եւ Իս­րա­յե­լի բո­լոր թաքն­ված հե­տա­խու­զա­կան եւ ռազ­մա­կան օբ­յեկտ­նե­րը եւ հար­ձակ­վում դրանց վրա։ Ի­րա­նը գի­տի Իս­րա­յե­լի հե­տա­խու­զա­կան եւ­ անվ­տան­գութ­յան գոր­ծա­կա­լութ­յուն­նե­րի ճշգրիտ հաս­ցե­նե­րը եւ հար­վա­ծում է այդ վայ­րե­րին... Ես կար­ծում եմ, որ Չի­նաս­տա­նը արդ­յու­նա­վե­տո­րեն ներգ­րավ­ված է այս պա­տե­րազ­մում եւ օգ­նում է նույ­նա­կա­նաց­նել ա­մե­րիկ­յան թի­րախ­նե­րը ա­րա­բա­կան երկր­նե­րում եւ տ­րա­մադ­րում է է­լեկտ­րո­նա­յին հե­տա­խու­զութ­յուն։ Իմ կար­ծի­քով, Չի­նաս­տա­նը գտնվում է այս հա­կա­մար­տութ­յան հենց կենտ­րո­նում եւ լուրջ պա­տե­րազմ է մղում ԱՄՆ-ի դեմ Ի­րա­նի մի­ջո­ցով։ Ե­թե սա ճիշտ է, ա­պա ԱՄՆ-ն եւ Իս­րա­յե­լը լուրջ կո­րուստ­ներ կու­նե­նան...»,– մեկ­նա­բա­նում է փոր­ձա­գի­տա­կան աղբ­յու­րը:

Ի­հար­կե, սա իր հիմ­քում լուրջ տրա­մա­բա­նութ­յուն ու­նե­ցող եզ­րա­կա­ցութ­յուն է: Ան­գամ չհի­շեց­նե­լով այն ծա­վա­լուն ռազ­մա­կան օգ­նութ­յան մա­սին, ո­րը Ի­րա­նը ստա­նում էր Չի­նաս­տա­նից եւ Ռու­սաս­տա­նից մինչ պա­տե­րազ­մը, այդ թվում` Ի­րա­նի հետ հա­մա­տեղ զո­րա­վար­ժութ­յու­նն­երի ան­վան տակ չի­նա­կան եւ ռու­սա­կան մի շարք հա­տուկ նա­վե­րի մո­տե­ցումն Ի­րա­նին, թե­րեւս կա­րե­լի է միայն ընդգ­ծել փաս­տը, որ Ի­րա­նի պար­տութ­յու­նը Պե­կի­նին դնում է չա­փա­զանց խո­ցե­լի վի­ճա­կում: Այ­սինքն, միան­գա­մայն տրա­մա­բա­նա­կան կլի­ներ, որ Պե­կինն այս փու­լում ա­մեն բան ա­ներ, որ Ի­րա­նը չպարտ­վի: Ու ա­վե­լին, քա­նի դեռ ԱՄՆ–ն իր ոտ­քով խրվել է ճա­հի­ճը, որ­քան հնա­րա­վոր է, պետք է նրան էլ ա­վե­լի խոր­տա­կել: Չ­նա­յած, ի­մաս­տով դրանք նույնն են. Ի­րա­նի չպարտ­վե­լը եւ հնա­րա­վո­րինս եր­կար պա­տե­րազ­մի մեջ ԱՄՆ­–ին ներ­քաշ­ած պա­հե­լը Պե­կի­նի հա­մար ար­դեն իսկ հաղ­թա­նակ է մեծ աշ­խար­հա­քա­ղա­քա­կան պայ­քա­րում: Ե­թե նաեւ աիռ­թից օգտ­վե­լով` վերց­նի Թայ­վա­նը, հաղ­թա­նա­կը կդառ­նա ամ­բող­ջա­կան: Ի դեպ, կա­րե­լի է նույ­նը ա­սել նաեւ Մոսկ­վա­յի մա­սին:

Ա­մեն դեպ­քում այն, որ Ի­րա­նը շա­րու­նա­կում է ընդ­լայ­նել հա­կա­մար­տութ­յան մասշ­տաբնե­րը, նաեւ սկսե­լով ո­րո­շա­կի գոր­ծո­ղութ­յու­ններ Հա­րա­վա­յին Կով­կա­սի ուղ­ղութ­յամբ, գա­լիս է եւս մեկ ան­գամ հաս­տա­տե­լու Թեհ­րա­նի այն նախ­նա­կան մո­տե­ցու­մը, որ թեեւ պա­տե­րազմ սկսելն ԱՄՆ­–ի եւ Իս­րա­յե­լի ո­րո­շե­լիք հարցն էր, սա­կայն նրանք չէ, որ կո­րո­շեն դրա ա­վար­տը:

Այս­պի­սով, ե­րեկ հայտ­նի դար­ձավ, որ Ի­րա­նը մի քա­նի հա­մե­մա­տա­բար փոքր հար­ված է հասց­րել Ադր­բե­ջա­նին` Նա­խի­ջե­ւա­նին: Ա­պա նաեւ խո­սակ­ցութ­յուն­ներ ի հայտ ե­կան Վ­րաս­տա­նում Բա­քու–­Ջեյ­հան նավ­թա­մու­ղի խոց­ման մա­սին, որն ա­պա­հո­վում է Իս­րա­յե­լի նավ­թի մա­տա­կա­րա­րում­նե­րի մոտ 30 տո­կո­սը, անհ­րա­ժեշ­տութ­յան դեպ­քում` էլ ա­վե­լին: Բա­քուն, բնա­կան է, միան­գա­մից հիս­տե­րիա սար­քեց, թե` «Մենք խստո­րեն դա­տա­պար­տում ենք», «Ադր­բե­ջա­նի տա­րած­քի վրա այս հար­ձա­կու­մը հա­կա­սում է մի­ջազ­գա­յին ի­րա­վուն­քի նոր­մե­րին եւ սկզ­բունք­նե­րին», «մեզ վե­րա­պա­հում են պա­տաս­խան հար­վա­ծի ի­րա­վունք» եւ այլն: Ի­հար­կե, սա ար­դեն ան­լուրջ է. երբ Բա­քուն նավթ է մա­տա­կա­րա­րում Ի­րա­նի հիմ­նա­կան թշնա­մուն, իր տա­րած­քում է տե­ղա­կա­յել թշնա­մա­կան ու­ժեր, մի՞­թե ի­րոք են­թադ­րում էր, որ «մի­ջազ­գա­յին ի­րա­վուն­քի նոր­մեր» աս­վա­ծը, որն ար­դեն գո­յութ­յուն չու­նի, կխան­գա­րի Ի­րա­նին, այն էլ բա­զում նա­խազ­գու­շա­ցում­նե­րից հե­տո գոր­ծո­ղութ­յուն­նե­րի չդի­մել:

Ի­հար­կե, դեռ պետք է սպա­սել հե­տա­գա զար­գա­ցում­նե­րին: Հաշ­վի առ­նե­լով, որ կա նաեւ հա­վա­նա­կա­նութ­յուն, որ տե­ղի ու­նե­ցա­ծը սո­վո­րա­կան իս­րա­յել­յան պրո­վո­կա­ցիա էր: Այն ի­մաս­տով, որ ե­թե չեն կա­րո­ղա­նում քրդե­րին մտցնել պա­տե­րազ­մի մեջ, կամ քրդա­կան ու­ժերն ան­բա­վա­րար են, ա­պա կա­րե­լի է նաեւ Ա­լիե­ւին մղել` մտնել կռվի մեջ:

Չ­նա­յած` սա մի փոքր թույլ վար­կած է: Իս­րա­յե­լում էլ են հաս­կա­նում, որ Ա­լիե­ւը, հենց այն պա­հին, երբ հայ­տա­րա­րի պա­տե­րազ­մի մա­սին, դառ­նա­լու է լիա­կա­տար թի­րախ: Ու  Թեհ­րա­նը ա­ռաջ­նա­յին զրո­յաց­նե­լու է ադր­բե­ջա­նա­կան ամ­բողջ նավ­թա–­գա­զա­յին արդ­յու­նա­բե­րութ­յու­նը` հան­քա­վայ­րե­րից սկսած: Գու­մա­րած` կասպ­յան գո­տում պա­տե­րազ­մը հա­զիվ թե խա­ղի մեջ չքա­շի նաեւ Մոսկ­վա­յին: Արդ­յուն­քում, այն նավ­թը, ո­րը դեռ կա­րող է գնալ Իս­րա­յել, պա­տե­րազ­մի դեպ­քում հաս­տատ կանգ­նե­լու է: Իսկ փո­խա­րի­նող մա­տա­կա­րա­րում­ներ գտնելն այս ի­րա­վի­ճա­կում կա­րող է նաեւ Իս­րա­յե­լի հա­մար ան­լու­ծե­լի խնդիր դառ­նալ:

Այս ի­մաս­տով, ա­վե­լի հա­վա­նա­կան է թվում, որ դրանք ի­րա­նա­կան հար­ված­ներ էին, մի­գու­ցե`նախ­նա­կան, նա­խազ­գու­շաց­նող: Որ այդկերպ Թեհ­րա­նը մի վեր­ջին մե­սիջ հղեց Բաք­վին. կողմ­նո­րոշ­վեք, ո՞ր դաշ­տում եք, ե­թե կար­ծում եք, որ կա­րող եք Ի­րա­նի հետ բա­րե­կա­մութ­յու­նից խո­սել եւ նավթ տալ նրա թշնա­մուն` կեր­պար վերց­նե­լով, թե չե­զոք եք, այդ­պես չի լի­նի:

Իսկ ե­թե մե­սիջ է, ա­պա ա­սել, որ այն ուղղ­ված չէ նաեւ «Թ­րամ­փի ու­ղի» սար­քող Նի­կո­լին, իր հեր­թին միամ­տութ­յուն կլի­ներ:

Ա­մեն դեպ­քում այն, որ կով­կաս­յան տի­րույ­թում պայթ­յուն­ներ լսվե­ցին, դա ար­դեն մտա­հո­գիչ է: Նե­րկա ի­րո­ղութ­յուն­ներն այն­քան սուր են, որ մեկ­–եր­կու պայթ­յու­նից մին­չեւ մասշ­տա­բա­յին բա­խում­նե­րը կա­րող է մեկ օր էլ չտե­ւեն:

Հավանեցի՞ր հոդվածը, կիսվիր ընկերներիդ հետ