Հոգին վաճառե՞լ սատանային, թե… «Կրկին փորձիր»
ՄշակութայինԿայացավ «Կրկին փորձիր» ֆանտաստիկ կինոկատակերգության պրեմիերան: Այն արդեն մեծ էկրաններին է: Ֆիլմը պատմում է մի երիտասարդի մասին, ով հանուն սիրո վաճառում է իր հոգին Սատանային՝ ստանալով ցանկություններ։
Գլխավոր դերակատարներից դերասան, երաժիշտ, հաղորդավար, հումորիստ, երաժիշտ, երգերի հեղինակ Գարիկ Պապոյանը, որը նաեւ ֆիլմի պրոդյուսերներից է, նշում է, որ նախագիծը երկար ու հագեցած ճանապարհ է անցել մինչեւ մեծ էկրան բարձրանալը:
«Անցյալ տարի այս ժամանակ քննարկում էինք՝ ինչ պիտի անենք։ Բայց ես չեմ հիշում իմ կյանքում այն կոնկրետ պահը, երբ սկսվեցին ֆիլմի մասին մտքերը, որովհետեւ ամենասկզբից գործընթացում եղել եմ»,– ասում է նա եւ հավելում. «Ես ցնցված եմ Լուիզա Ներսիյանի խաղով: Լուիզան այն կերպարներից է, որ անգամ չենք մտածել: Երբ գրվել է սցենարը, նա միանգամից է եղել: Արմուշի հետ այնքան կերպարներ ենք խաղացել, որ, կարծես, շնչելու նման մի բան է դարձել: Կարոտել էի նրա հետ խաղալուն: Սոնա Մաթեւոսյանը բացահայտում էր մեր համար: Նա հենց այս նախագծով է իր առաջին քայլն արել մեծ կինոյում: Արման Սարգսյանի եւ Գրիգոր Գասպարյանի հետ հաճույքով ենք աշխատել՝ որպես ֆիլմի ռեժիսորներ»:
«Իրավունք»-ի հնչեցրած հարցին, թե ինչ պես ստացվեց, որ ֆիլմում հնչեց հենց Պապոյանի կողմից գրված երգը՝ «Տնակ»-ը, նա պատասխանեց, որ դա եղել է ողջ աշխատանքային կազմի որոշումը:
Ֆիլմում նկարահանվել է նաեւ Գարիկ Պապոյանի կինը՝ Մարիաննա Վարդանյանը, որը լսարանին առավել հայտնի է որպես բլոգեր: Ըստ նրա, ֆիլմում նկարահանվելու առաջարկը եղել է անսպասելի․
«Իրավունք»-ի հարցին ի պատասխան՝ Մարիաննան ասաց, որ ֆիլմում նկարահանվելու առաջարկը ստացել է օդանավակայանում՝ վերադարձի թռիչքին պատրաստվելիս։
«Գարիկն ասաց՝ գիտե՞ս, որ գլխավոր դերերից մեկն էլ դու ես։ Ես բառացիորեն թռվռում էի հերթի մեջ։ Շատ հուզված էի ու ուրախ»,– պատմում է նա։
Հետագայում կշարունակի՞ Մարիաննան ֆիլմերում նկարահանվել, նա ընդգծեց, որ դա կախված է բացառապես ժանրից: Ի դեպ, «Կրկին Փորձիր» ֆիլմում նկարահանվել է նաեւ Պապոյանի աղջիկը:
Երաժշտությունից եւ Պապոյանի երաժշտական ճաշակից լավ գիտակ Աննա Թաթարյանի հարցին, թե արդյոք դժվար չէր ռոքի ջատագովին կատարել նման անհասկանալի երգ, նա երկար ծիծաղելուց հետո նշեց. «Անկեղծ շատ դժվար էր: Պահի տեկ քրտնում-սառում էի: Դա ինձնից խլեց ֆիզիկական աշխատանքին հավասարազոր ջանք»:
ՆԱՆԱ ՍԱՐԳՍՅԱՆ
Պահանջ. Աղվան Վարդանյանից բռնագանձել անշարժ գույքեր, շուրջ 235,000,000 դրամ
Արթուր Վարդանյանի կյանքին վտանգ է սպառնում. Փաստաբան
Մեկ ընդդիմադիր համայնքապետ ասեք, որ ընտրվել է ու չի հետապնդվել․ Քրիստինե Վարդանյան
ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է
1
4150 դիտում
2
2390 դիտում
3
2146 դիտում
4
1666 դիտում
5
1493 դիտում
1
31465 դիտում
2
19577 դիտում
3
11467 դիտում
4
11417 դիտում
5
8469 դիտում
3
17770 դիտում
