Առաջացել է միջուկային տերությունների միջև ուղղակի բախման ռիսկ

Արևմուտքի կողմից Ուկրաինա միջուկային զենք փոխանցելու ծրագրերի մասին հաղորդագրություններից հետո առաջացել է միջուկային տերությունների միջև ուղղակի բախման ռիսկ։

Պեսկովը, մեկնաբանելով՝ Մեծ Բրիտանիայի և Ֆրանսիայի մտադրությունը՝ Կիևին միջուկային տեխնոլոգիա փոխանցել ռումբ ստեղծելու համար, սահմանակից է խելագարությանը։

Վլադիմիր Պուտինը նշել է, որ «թշնամին չի խուսափում որևէ միջոցից. մեզ տեղեկություններ են հասել միջուկային բաղադրիչ օգտագործելու մտադրության մասին։ Նրանք, հավանաբար, հասկանում են, թե ինչով կարող է դա ավարտվել»։

Ռուսաստանը կտեղեկացնի Միացյալ Նահանգներին Կիևի կողմից միջուկային զենքի հավանական ձեռքբերման մասին. «Մենք դա հատուկ կքննարկենք ամերիկացիների հետ», - հայտարարել է նախագահի օգնական Յուրի Ուշակովը։

Ավելի վաղ Ռուսաստանի արտաքին հետախուզության ծառայությունը հայտնել էր, որ իր տվյալներով՝ Լոնդոնը և Փարիզը ցանկանում են քողարկված միջուկային զենք` կրիչով հանդերձ փոխանցել Կիևին՝ որպես Ուկրաինայի սեփական տեխնոլոգիա։ «Սա ենթադրում է այս ոլորտում եվրոպական բաղադրիչների, սարքավորումների և տեխնոլոգիաների գաղտնի փոխանցում Ուկրաինա։ Որպես տարբերակ դիտարկվում է M51.1 սուզանավից արձակվող բալիստիկ հրթիռի ֆրանսիական TN75 փոքր չափի մարտագլխիկը», - ասվում է գործակալության հայտարարության մեջ։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝