Մեկ տոննա կոկաինի գործով դատական նիստը չկայացավ մեղադրյալների չներկայանալու պատճառով
Իրավական
Մեկ տոննա ապօրինի կոկաին ներմուծելու գործով այսօր Երևան քաղաքի առաջին ատյանի ընդհանուր իրավասության քրեական դատարանի «Շենգավիթ» նստավայրում նիստ էր նշանակված, սակայն այն չկայացավ, քանի որ դատական նիստին ներկայացել էր միայն հանրային մեղադրողը:
Հանրային մեղադրողը դիրքորոշում հայտնեց և նշեց, որ պաշտպանների չներկայանալը անհարգելի է և միջնորդեց, որ հաջորդ դատական նիստին մեղադրյալ Մելիտա Ղազարյանին հարկադրաբար ներկայացնեն դատարան:
Գործով հաջորդ դատական նիստը նշանակվեց ապրիլի 13-ին ժամը` 16:30-ին:
Հիշեցնենք, որ ապօրինի ճանապարհով Հայաստան նորմուծված մոտ 1 տոննա կոկաին ներմուծելու գործը 2025թ. դեկտեմբերի 17-ին ուղարկվել է Երեւան քաղաքի ընդհանուր իրավասության դատարան: Մեղադրանք է առաջադրվել 5 անձի: Գործով դատավորը Երևան քաղաքի ընդհանուր իրավասության դատարանի դատավոր Գնել Գասպարյանն է:
Դատական ակտերի հարկադիր կատարման ծառայության նախկին պետ, նախկին պատգամավոր Միհրան Պողոսյանը, «Մրգենի» ՍՊԸ-ի տնօրեն Լեւոն Աթաջանյանը, նույն ընկերության գնումների եւ ներմուծումների բաժնի պետ Մելիտա Ղազարյանը, Սամվել Գալուստյանը և Գագիկ Բադալյանը մեղադրվում են խմբի կազմում՝ նախնական համաձայնությամբ, իրացման նպատակով, առանձնապես խոշոր չափերով կոկաին տեսակի թմրամիջոց ապօրինի ձեռք բերելու եւ պահելու, ինչպես նաեւ մաքսային հսկողությունից թաքցնելով` ՀՀ պետական սահմանով ապօրինի առանձնապես խոշոր չափերով (788 կգ) «կոկաին» տեսակի թմրամիջոց տեղափոխելու համար:
Նիկոլական ՀՀ-ում նիկոլենց ամենամեծ թշնամին հիշողությունն է, ամենամեծ բարեկամը` հիշողության կորուստը․ Միհրան Հակոբյան
Իշխանության նկատմամբ վստահությունը 11-12 տոկոս է. Գեւորգ Պողոսյան
Հայաստանը կարող է բախվել Թուրքիայի կողմից տնտեսական էքսպանսիայի․ Գեւորգ Պողոսյան
Այսօր չդատվելն ու չկալանավորվելն է խնդիր. Կարապետ Պողոսյան
1
4134 դիտում
2
2364 դիտում
3
2137 դիտում
4
1628 դիտում
5
1413 դիտում
1
31465 դիտում
2
19577 դիտում
3
11467 դիտում
4
11417 դիտում
5
8469 դիտում
3
17765 դիտում
