«Ըստ էության բարձրացվել են թոշակները». 415 228 թոշակառու օգտվում է անկանխիկի հետվճարից, 2,9 մլրդ դրամ հետվճար է տրվել

Հունվարին 415 228 թոշակառու օգտվել է անկանխիկ հետվճարի ծրագրից՝ դեկտեմբերի 400 572-ի համեմատ։ Կառավարության նիստին այս մասին ասաց ՀՀ աշխատանքի և սոցիալական հարցերի նախարար Արսեն Թորոսյանը։

«Հունվարին վճարել ենք 2,9 մլրդ դրամի հետվճար՝ դեկտեմբերի 1,8 մլրդ դրամի համեմատ»,- ասաց նա։

Նախարարի խոսքով՝ միջին հետվճարի չափը կազմել է մոտ 7000 դրամ։ Լիմիտը 10 000 դրամ է՝ նախկին 4400 դրամի փոխարեն․«Խրախուսում ենք օգտվել անկանխիկ եղանակից»։

ՀՀ փոխվարչապետ Մհեր Գրիգորյանը նշեց, որ հետվճարը հնարավորություն է տալիս իրականացնել բազմաթիվ այլ թիրախային միջոցառումներ և, ըստ էության, բարձրացնելով թոշակները։

Նրա խոսքով՝ դա հնարավոր չէ անել կանխիկի դեպքում, քանի որ այդ պարագայում կապը թոշակառուների հետ կորչում է։

«Սա հետևողականորեն զարգացող համակարգ է»,- ասաց նա։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝