«ՀԵՐՈՍԱԲԱՐ ԶՈՀՎԵԼ Է ՄԱՐՏԱԿԱՆ ԸՆԿԵՐՆԵՐԻ ՀԵՏ ՄԻԱՍԻՆ, ԱՆՕԴԱՉՈՒ ԹՌՉՈՂ ՍԱՐՔԻ ՀԱՐՎԱԾԻՑ». ԱՆՄԱՀ ՀԵՐՈՍ ԿԱՐԵՆ ՄՆԱՑԱԿԱՆՅԱՆ

2020 թվականի Արցախյան 44-օրյա դաժան պատերազմում ցավոք կորցրեցինք հազարավոր լուսավոր երիտասարդների, նրանցից մեկն էլ ԿԱՐԵՆ ԿԱՐԱՊԵՏԻ ՄՆԱՑԱԿԱՆՅԱՆՆ էր։Այսօր փետրվարի 10-ը նրա ծննդյան օրն է, կդառնար 24 տարեկան։ Անմահ հերոսի հուշարձանին այցելեցին հարազատներ, համագյուղացիներ, Հայրենյացի վարչական կենտրոնի ղեկավար Գևորգ Մարտիրոսյանը։ Ներկաները ծաղիկներ խոնարհեցին ու խնկարկեցին։Iravunk. com -ի Շիրակի մարզի թղթակիցը ներկա է գտնվել։ Կարեն Մնացականյանը ծնվել է 2002 թվականի փետրվարի 10-ին, Շիրակի մարզի Արթիկի շրջանի Հայրենյաց գյուղում։ Հայրենի գյուղի դպրոցի 9֊րդ դատարանը ավարտելուց հետո, սովորեց ու ավարտեց Գյումրիի 3֊րդ Արհեստագործական քոլեջը, ապա նաև ավտոդպրոցը։ Մեկնեց Հայոց բանակ ծառայության։ Ընդամենը երեք ամսվա ծառայող էր, երբ սկսվեց Արցախյան 44-օրյա դաժան պատերազմը։ Կարենը, զորամասի կազմի մեջ ընդգրկված է եղել Արցախի հարավային հատվածի պաշտպանության, մասնավորապես դիվիզիոնի կառավարման դասակի կազմով զբաղեցրել են դիվիզիոնի հրամանատարական դիտակետը, կատարել դիտարկում, վարել հրետանային հետախուզությունը, սպասարկել կրակաճշտում, կատարել հրետանու կրակը։ Մարտական գործողությունների ժամանակ ցուցաբերել է սառնասրտություն, խիզախություն, մասնագիտական բարձր որակներ։ Ցավոք, հերոսաբար զոհվել է մարտական ընկերների հետ միասին անօդաչու թռչող սարքի հարվածից, Ջրականում։ Կարենի հայրը ԿԱՐԱՊԵՏ ՄՆԱՑԱԿԱՆՅԱՆԸ, խորը ցավը սրտում Iravunk. com - ի Շիրակի մարզի թղթակցի հետ զրույցում նշեց.

«Չեմ հաշտվում այս դառը իրականության հետ։ Կարենս ինձ համար ոչ միայն որդի էր, այլև ընկեր ու եղբայր։ Պատերազմի թեժ օրերին ասում էր, ախպերներս զոհվում են, ես ինչպես կարող եմ այստեղ չլինել։ Ես այդ բառերից քարանում էի։ Ընդամենը 3 ամսվա ծառայող էր, սակայն այնքան մարտական էր տրամադրած։ Ինչ էլ լինի, ես երբեք չեմ կարող համակերպվել այս դաժան իրողության հետ։ Աստված տա, էլ երբեք պատերազմ չլինի ու ոչ մի ծնող չզգա այն խորը ցավը, ինչը հիմա ես եմ զգում»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝