ԱՄՆ ՌՕՈւ առնվազն 20 տրանսպորտային ինքնաթիռ է ժամանել Երևան և Բաքու Վենսի այցից առաջ

ԱՄՆ ռազմաօդային ուժերի առնվազն 20 ռազմատրանսպորտային ինքնաթիռ, Sputnik Արմենիայի հաշվարկներով, ԱՄՆ փոխնախագահ Ջեյ Դի Վենսի ժամանումից առաջ ժամանել է Հայաստան և Ադրբեջան։

ԱՄՆ փոխնախագահ Ջեյ Դի Վենսը փետրվարի 9-10-ը պաշտոնական այցով կլինի Հայաստանում: Երևանից նա կմեկնի Բաքու։

Sputnik Արմենիայի տեղեկություններով՝ ինքնաթիռների մեծ մասը Երևան և Բաքու են ժամանել փետրվարի 4-8-ն ընկած ժամանակահատվածում։Մասնավորապես, մեր դիտարկումը ցույց է տվել, որ Հայաստան է ժամանել 12 ռազմատրանսպորտային ինքնաթիռ։Եվս 9 ինքնաթիռ մեկնել է Ադրբեջան։ Ինքնաթիռները ժամանել են հիմնականում ԱՄՆ-ի բազաներից՝ վերալիցքավորվելով Գերմանիայի «Ռամշտայն» ավիաբազայում։

Գրեթե բոլոր չվերթերն իրականացվել են Boeing C-17a Globemaster III–ով՝ մինչև 77,5 տոննա ծանր ռազմատրանսպորտային ինքնաթիռով: Բացի այդ, Երևան և Բաքու են թռել ԱՄՆ ռազմաօդային ուժերի հատուկ գործողությունների ուժերի համար նախատեսված՝ Lockheed Martin MC-130J Commando II մասնագիտացված ռազմատրանսպորտային ինքնաթիռներ։

յունների ուժերի համար նախատեսված՝ Lockheed Martin MC-130J Commando II մասնագիտացված ռազմատրանսպորտային ինքնաթիռներ։

Рейс военно-транспортного самолета США в Азербайджан - Sputnik Արմենիա, 1920, 09.02.2026

Եվս երկու չվերթ նրանք իրականացրել են դեպի Վրաստան։

Ինքը՝ Վենսը, Իտալիայի օլիմպիական խաղերին ժամանել է 14 ինքնաթիռներից բաղկացած օդային նավատորմի կազմում։ Սակայն ԱՄՆ ռազմատրանսպորտային ավիացիայի ակտիվությունը Հայաստան և Ադրբեջան նրա այցից առաջ քննարկման առարկա է դարձել նաև Իրանի շուրջ լարվածության և նրա սահմաններին ուժեր քաշելու համատեքստում։

Նյութի աղբյուր՝ https://arm.sputniknews.ru/20260209/amn-rou-arnvazn-20-transpvortajin-inqnatir-e-zhamanel-erevan-ev-baqu-vensi-ajcic-araj-98603516.html

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝