Զորամասի հրթիռահրետանային սպառազինության պետին մեղադրանք է առաջադրվել փաստաթղթերի կեղծման համար
Քրեական
Պաշտպանության նախարարության զորամասի հրթիռահրետանային սպառազինության պետ Ահարոն Առաքելյանին մեղադրանք է առաջադրվել «հետախույզի խողովակի» նյութական միջոցի անվանումը կեղծելու համար, տեղեկանում ենք Datalex դատական տեղեկատվական համակարգից։
Հունվարի 30-ին Հակակոռուպցիոն դատարանը քրեական գործ է ստացել Առաքելյանի դեմ՝ պաշտոնական փաստաթուղթ կեղծելու մեղադրանքով։ Մեղադրական եզրակացության համաձայն՝ Առաքելյանը մեղադրվում է Քրեական օրենսգրքի 445-րդ հոդվածի 1-ին մասով (Պաշտոնեական կեղծիք, որը պատժվում է ազատազրկմամբ՝ առավելագույնը 2 տարի ժամկետով)։ Քննիչների պնդմամբ՝ որպես զորամասի հրթիռային և հրետանային սպառազինության վարչության պետ, 2023 թվականի դեկտեմբերի 28-ին նա ձևակերպել է նյութական միջոցների փոխանցումը կապիտան Մկրտիչ Խաչատրյանին՝ օգտագործելով թիվ 346 մատակարարման ակտը։
Ավելի ուշ Առաքելյանը, քննիչների պնդմամբ, կեղծ տեղեկություններ է մուտքագրել հաշիվ-ապրանքագրում՝ ձեռագիր եղանակով ավելացրել է նաև «TP-8A» տեսակի, 16838 գործարանային համարի «հետախույզի խողովակ» նյութական միջոցի անվանում։ Գործը հանձնարարվել է դատավոր Գիվի Համլետի Հովհաննիսյանին։ Մեղադրյալին ստորագրությամբ բաց են թողել՝ կիրառելով բացակայելու արգելք: Դատարան է ներկայացվել ապացույցներով լի չորս կնքված փաթեթ:
Դատախազությունը վիճարկում է Գուրգեն Արսենյանի ընկերության ձեռք բերած նախկին մանկապարտեզի աճուրդը. Hetq.am
Երևանի ռեստորաններից մեկի կանանց զուգարանում գաղտնի նկարահանումների դեպքով նյութերն ուղարկվել են ՔԿ
Կոկոն արտահանձնվել է Հայաստանին. «Հրապարակ»
Վահրամ Սահակյանը ձերբակալվել է ֆեյսբուքում ատելություն հրահրող հրապարակման համար․ ՔԿ
1
8318 դիտում
2
5669 դիտում
3
4030 դիտում
4
2229 դիտում
5
1923 դիտում
1
31460 դիտում
2
19478 դիտում
3
11451 դիտում
4
11407 դիտում
3
17726 դիտում
