Չեմպիոնների լիգա.15 թիմ ապահովել է տեղը փլեյ-օֆֆում

Ավարտվել է ՈւԵՖԱ-ի Չեմպիոնների լիգայի 2025/2026 մրցաշրջանի լիգայի փուլի 7-րդ տուրը։ Տուրի արդյունքներով՝ 15 ակումբ արդեն երաշխավորել է իր տեղը լավագույն 24 թիմերի ցանկում և դուրս եկել մրցաշարի փլեյ-օֆֆ:

Այդ ակումբներն են՝ «Արսենալը», «Բավարիան», «Ռեալը», «Լիվերպուլը», «Տոտենհեմը», ՊՍԺ-ն, «Նյուքասլը», «Չելսին», «Բարսելոնան», «Սպորտինգը», «Մանչեսթեր Սիթին», «Ատլետիկոն», «Ատալանտան», «Ինտերը» և «Յուվենտուսը»։

Հատկանշական է, որ «Արսենալն» ու «Բավարիան» արդեն իսկ ապահովել են 1/8 եզրափակիչի ուղեգիրը։ Լոնդոնյան ակումբը չի իջնի երկրորդ հորիզոնականից, իսկ մյունխենյանը՝ չորրորդից ցածր։

Լիգայի փուլի եզրափակիչ՝ 8-րդ տուրի հանդիպումները կկայանան չորեքշաբթի՝ հունվարի 28-ին։ Բոլոր խաղերը կմեկնարկեն միաժամանակ Երևանի ժամանակով՝ կեսգիշերին։