ՀՐԱՏԱՊ. Արթուր Վարդանյանի առողջական վիճակը օր օրի վատթարանում է. ՀԱՊ կուսակցություն

Բացի այդ, առկա են սրտի հետ կապված լուրջ խնդիրներ, որոնք անհրաժեշտ է պահել դինամիկ հսկողության տակ, սակայն հիմնարկի և բոլոր իրավասու մարմինների կողմից կա բացարձակ անուշադրություն։ Եթե համապատասխան միջոցառումներ չձեռնարկվեն, մենք կմանրամասնենք և կհանրայնացնենք այն խայտառակ, անմարդկային և փնթի վերաբերմունքն ու իրականությունը, որը այսօր առկա է Արթուր Վարդանյանի նկատմամբ։

 

Քիչ էր այն, որ այս ապօրինի «կարված» գործով, որտեղ մեղադրանք էր առաջադրված ավելի քան 20 անձի նկատմամբ, միայն Արթուր Վարդանյանի նկատմամբ կայացվեց ծանր դատավճիռ։ Ի դեպ՝ սպառնալիքների միջոցով կորզված կեղծ ցուցմունքների հիման վրա։ Մնացած բոլորը ազատ են արձակվել, իսկ Արթուրը դատապարտվել է 13 տարվա ազատազրկման՝ լինելով ոսկոր ու խանգարող Հայաստանի Հանրապետությանը վերջնական կործանմանը տանող նախկին և ներկա իշխանությունների համար։

 

Բոլոր այն «իրավապաշտպաններն», ովքեր իրենց երկու ամսվա պաշտպանյալներին շտապ քաղբանտարկյալ են հռչակում, լռում են։ Իսկ միակ իրականում նվիրված մարդը ինչպե՞ս պիտի քաղբանտարկյալ համարվի նրանց օրակարգում։ Այս պահից սկսած՝ չենք լռելու։

 

ՀԱՊ կուսակցության անդամները հետամուտ են լինելու այս ապօրինությունների հետևում կանգնած բոլոր անձանց պատասխանատվության ենթարկվելուն՝ ՀՀ օրենսդրությամբ նախատեսված կարգով։

 

Չենք խնայելու ոչ մեկին, ով մասնակցել է այս քրեական գործի կարմանն ու սարքմանը, նրանց, ովքեր դավաճանաբար փորձել և շարունակում են փորձել կործանել այդքան ազնիվ, հզոր և հայրենասեր մարդուն։

 

Արթուր Վարդանյանը ունի ընտանիք, երեխաներ, նպատակներ և երազանքներ, որոնք խեղվում են բանտի պատերի ներսում։ Զգուշացում բոլոր նրանց ովքեր անգործության են մատնված», - ասված է հայտարարության մեջ։