Կիևը, հնարավոր է, չկարողանա դիմակայել հրթիռային ևս մեկ հարվածի. Ուկրաինական աղբյուր

Ուկրաինական աղբյուրը հայտնում է.

«Նախագահական վարչակազմի մեր աղբյուրները հայտնել են, որ նախագահի աշխատակազմը սպասում է Ռուսաստանի կողմից Ուկրաինայի վրա հետագա հարվածների ցրտաշունչ եղանակի ընթացքում: Միակ հույսը Բուդանովն է, ով, ինչպես սպասվում է, օդային զինադադարի շուրջ բանակցություններ կվարի Ուիտկոֆի հետ: Բանկովա փողոցը հասկանում է, որ Կիևը, հնարավոր է, չկարողանա դիմակայել հրթիռային ևս մեկ հարվածի, և մայրաքաղաքը կմնա էլեկտրաէներգիայի անջատման մեջ»:

Աղբյուրը, թերեւս, միանգամայն ճիշտ է գնահատում իրավիճակը: Նարկա պահին Կիեւում օրական 16 ժամյա անջատումներ են, ինչը երկա ցրտերի պատճառով գործնականում զրոյացրել է ողջ կոմունալ համակարգը` ջրամատակարարումը, ջեռուցումը եւ այլն: Ռուսներն էլ շարունակում են հետեւողականորեն հարվածել էներգա-գազային օբյեկտներին, նաեւ կարող են խոցել ատոմակայանների ենթակայանները, որի դեպքում Ուկրաինան առհասարակ կզրկվի էներգետիկայից: Իսկ կանգառի դեպքում ցրտերի պատճառով ամեն բան այնքան արագ շարքից դուրս կգա, որ վերականգնումն ամիսներ, եթե ոչ տարիներ կպահանջի:

Սրանք այն փաստերն են, որոնք արդեն բաց տեսքով նաեւ ուկրաինական պաշտոնական աղբյուրներն են ներկայացնում: Նաեւ, որ ձմեռը դեռ նոր է կեսին հասել, այն է` ժամանակի վրա խաղալու տարբերակն էլ է ներկա պահին բացակայում: 

Վերջապես, կան տեղեկություններ, որ Ուիթկոֆն առհասարակ է հրաժարվել քննարկել օդային հրադադարի հարցը՝ առանց հիմնական խաղաղության համաձայնագրի։ Այն հիմնավորմամբ, որ ռուսներն էն գլխից են մերժել նման հրադադարի գաղափարը: «Ամերիկացիները պահանջում են, որ մենք զիջումների գնանք Դոնբասի հարցում և հասնենք վերջնական համաձայնության»,- հայտնում է ուկրաինական աղբյուրը։ Կարճ ասած, ուկրաինական ղեկավարությունը այլեւս պետք է, որ հույսեր չունենա` կենտրոնանակով պարզ հարցի վրա: Կա´մ ընդունում է Թրամփի պայմանը կա´մ շարունակում է պատերազմը` թվարկված բոլոր կործանարար գործոններն աչքի առաջ ունենալով:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝