«Պահանջում ենք ապահովել քաղբանտարկյալ Նարեկ Սամսոնյանի ուղեգրումն իր ընտրած բուժհաստատություն՝ շտապ վիրահատության». «Հինգ իրավապաշտպանների նախաձեռնություն»

«Հինգ իրավապաշտպանների նախաձեռնության» հայտարարությունը.

«Մեր գործընկեր Ռուբեն Մելիքյանը մեզ ներկայացրել է մեդիագործիչ Նարեկ Սամսոնյանի նկատմամբ քրեական հետապնդման, ինչպես նաև նրա հացադուլի և առողջական վիճակի հետ կապված անհրաժեշտ մանրամասներ։ Ներկայացված փաստերի հիման վրա հայտարարում ենք.

1) ԵԽԽՎ թիվ 1900 բանաձևի իմաստով Նարեկ Սամսոնյանը հանդիսանում է քաղբանտարկյալ, քանի որ նրա նկատմամբ քրեական հետապնդում է իրականացվում ակնհայտորեն հանցանք չհանդիսացող արարքի համար։

2) Վերոգրյալի ուժով քաղբանտարկյալ Նարեկ Սամսոնյանի հացադուլի պահանջն իրավաչափ է և տրամաբանական։

Իրավասու պետական կառույցներից պահանջում ենք.

1) Անհապաղ ազատ արձակել քաղբանտարկյալ Նարեկ Սամսոնյանին։

2) Հրատապ ձևով ապահովել քաղբանտարկյալ Նարեկ Սամսոնյանի ուղեգրումն իր ընտրած բուժհաստատություն՝ շտապ վիրահատության։

3) Հացադուլի ընթացքում քաղբանտարկյալ Նարեկ Սամսոնյանի համար ապահովել հացադուլն իրականացնելու այնպիսի պայմաններ, որոնք ավելի վատը չեն, քան մինչև հացադուլը եղած պայմանները։

Իրավապաշտպան կառույցներին կոչ ենք անում ուշադրության կենտրոնում պահել խնդիրը»։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝