Կոպենհագենում բողոքի ակցիա է անցկացվում՝ ի նշան Թրամփի կողմից Գրենլանդիային տիրելու մտադրության
Միջազգային
Դանիայի մայրաքաղաք Կոպենհագենում ցուցարարները հավաք են անցկացնում՝ իրենց բողոքն արտահայտելով Միացյալ Նահանգների նախագահ Դոնալդ Թրամփի՝ Գրենլանդիան Վաշինգտոնի վերահսկողության տակ վերցնելու ծրագրերի դեմ։
«Արմենպրես»-ի հաղորդմամբ՝ այս մասին հայտնում է Guardian-ը՝ մանրամասնելով, որ ցուցարարները սկսել են հավաքվել քաղաքապետարանի առջև՝ Դանիայում և Գրենլանդիայում նախատեսված մի շարք գործողությունների շրջանակներում։
«Ցույցերն ուղղված են Դոնալդ Թրամփի և Գրենլանդիան զավթելու նրա ծրագրերի դեմ»,-նշում է աղբյուրը՝ մատնանշելով, որ ցույցերն ընթանում են «Ձեռքերը հեռու Գրենլանդիայից» կարգախոսով։
Հաղորդվում է, որ այնուհետև ցուցարարները պլանավորում են շարժվել դեպի ԱՄՆ դեսպանատուն։
Հրատարակությունը նշում է, որ բողոքի ակցիաների նպատակն է հստակ և միասնական ուղերձ հղել Գրենլանդիայում ժողովրդավարության և մարդու հիմնարար իրավունքների հարգման օգտին։
ԱՄՆ նախագահ Դոնալդ Թրամփը բազմիցս հայտարարել է Գրենլանդիան Միացյալ Նահանգներին միացնելու անհրաժեշտության մասին: Դեռ իր առաջին ժամկետի ընթացքում նա առաջարկել է գնել Գրենլանդիան, իսկ 2025 թվականի մարտին վստահություն է հայտնել, որ այն կարելի է անեքսիայի ենթարկել։ Օրերս Թրամփը հայտարարեց, որ եթե ԱՄՆ-ն ձեռք չբերի Գրենլանդիան, ապա «Ռուսաստանը կամ Չինաստանը դա կանեն»։
Գրենլանդիան Դանիայի կազմի մեջ է մտնում ինքնավար տարածքի իրավունքներով և ունի անկախություն հռչակելու իրավունք։ Գրենլանդիայի վարչապետ Յենս-Ֆրեդերիկ Նիլսենը հունվարի 13-ին հայտարարել է, որ կղզին նախընտրում է լինել Դանիայի կազմում և չի ցանկանում լինել ԱՄՆ-ի մաս։
Դանիայի ԱԳՆ-ն չի բացառել՝ Գրենլանդիան կարող է դուրս գալ երկրի կազմից 
1
11127 դիտում
2
3592 դիտում
3
3511 դիտում
4
3335 դիտում
5
2354 դիտում
1
26223 դիտում
2
19465 դիտում
3
13724 դիտում
5
9605 դիտում
1
51820 դիտում
