Երիտասարդներին դիսկոտեկ հրավիրելու փոխարեն լավ կաներ մի օր ցույց տար, որ իր Աշոտի հետ նստած մի բաժակ օղի է խմում․Հովիկ Աղազարյան

Օրեր առաջ Փաշինյանը տեսանյութ էր հրապարակել՝ նշելով, որ շուտով երիտասարդներին կհրավիրեն դիսկոտեկ: «Ինչպես ակնարկել էի՝ հրավիրում եմ պարահրապարակ։ Մենք նվագում ենք, դուք՝ պարում։ Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը: Հանդիպումը տեղի է ունենալու Երևանում։ Ավելի կոնկրետ վայրի մասին ձեզ կտեղեկացնենք լրացուցիչ։ Գրանցվեք QR-ով կամ հղումով»:

Այս եւ Փաշինյանի՝ Ադրբեջանի հետ քիրվայության վերջին գործողությունների հետեւանքների մասին «Իրավունքը» զրուցել է ԱԺ անկախ պատգամավոր ՀՈՎԻԿ ԱՂԱԶԱՐՅԱՆԻ հետ․

- Նախ շատ լավ է, որ գերիները թեկուզ փոխանակման ճանապարհով վերադարձան, բայց սա համարել, որպես խաղաղության հաստատման ինչ-որ էլեմենը, դա մեղմ ասած, երազախաբություն է։ Որովհետեւ հառակա պարագայում բոլոր գերիները կվերադարձվեին, իսկ սա ընդամենը մանր առեւտուր է երկու կողմերի միջեւ։ Ինչ վերաբերում է բենզինի, ցորենի ներկրմանը, ապա դա եւս Ադրբեջանը անում է ցույց տալու համար միջազգային հանրությանը եւ մասնավորապես ԱՄՆ-ին, որպեսզի վերջինս թույլ տա իրենից կրկին զենք առնի Ադրբեջանը, որպեսզի հետո նոր թափով Հայաստանը վերացնի։ Ադրբեջանի նպատակները Հայաստանը ամբողջությամբ զաթելու չի փոխվել, ով ինչ ուզում է թող երազի։ Իհարկե, ժամանակակից Թուրքիան այն վայրենի Թուրքիան չէ, որ կանանց արգանդները պատռեն, մարդկանց ողջ-ողջ այրեն, չէ՝ նրանք մեզ սիրելով, փայփայելով իրենց իսկ գրկում անձայն կխեղդեն, առանց արյան, առանց զենքի։ Այո, չի լինի պատերազմ, կլինի խաղաղություն, բայց առանց Հայաստանի, առանց հայի։ Ինչպես որ հիմա Արցախում է՝ չկա պատերազմ, խաղաղություն է լիակատար, բայց առանց հայի, Արցախ երկրորդ է խաղաղարկվում այսօր միջազգային հանրության հովանու ներքո։

-Պարոն Աղազարյան, սրան զուգահեռ երկրի ղեկավարը այնքան անհոգ է, որ երիտասարդների դիսկոտեկի է հրավիրում։

-Ես շատ ցավում եմ, որ նա կարոտ է երիտասարդների հետ շփման, նա իր  անձնական ողբերգություն է այդ կերպ ի ցույց դնում։ Երիտասարդների հետ ժամանակ անցկացնելու, նրանց դիսկոտեկ հրավիրելու փոխարեն լավ կաներ մի օր ցույց տար, որ իր որդու՝ Աշոտի հետ նստած մի բաժակ օղի է խմում։ Այսքանը այս մասով։

-Պարոն Աղազարյան, լավ ո՞ւր է տանում եկեղեցու դեմ այս ամենօրյա ռեժիմով արշավը։

-Նպատակը մեկն է՝ Փաշինյանը պատրաստվում է ստեղծել իր կանոնագրքով սեփական եկեղեցի, մեզանից յուրաքանչյուրի պարտքն է այսօր՝ կանխել այդ կործանարար ծրագրի իրագործումը։ Իսկ դա մենք կարող ենք թույլ չտալ միայն մի դեպքում, որպեսզի թույլ չտանք, որ նա վերարտադվի, որպես վարչապետ։

-Իսկ նա այսքանից հետ դեռ վերատադրվելու շանսեր ունի՞։

-Եթե հաջորդ կիրակի լինի ընտրություն, միանշանակ կհաղթի, որովհետեւ ընդդիմությունը չի կարողանում գտնել համագործակցության այնպիսի բանաձեև, որ կարողանա դիմակայի Նիկոլ Փաշինյանին, այլ խոսքով Փաշինյանին հաղթելու, այսպես ասած, հակաթույն ընդդիմությունը դեռ չի կարողացել գտնել։ Եթե այս իրավիճակը շարոևնակվի մինչեւ հունիսի 7, ապա նորից կհաղթի Փաշինյանը։

Այսինքն նրա հաղթանակը այս պահին անվիճելի է, իսկ այն ընդդիմադիրները, որոնք ոգեւորված իրենց թիվ մեկ ընդդիմադիր են համարում, ես վստահեցնում եմ առանց միասնական ճակատի՝ ֆինիշին չեն հասնելու։ Այսօրվա ընդդիմադիր երիտասարդները խանդավառված իրենց փողերով դեռ այդքանը չեն հասկանում, ցավոք։

-Պարոն Աղազարյան, ասացիք, որ եթե վաղը ընտրություն լինի Փաշինյանը հաղթելու է, սա ինչի մասին է խոսում, որ հասարակությունը ողջունում է իր քայլերը, թե՞․․․

- Ոչ, ոչ հասարակությունը չի աջակցում  բոլորովին, սա խոսում է այն մասին, որ Փաշինյանը ունի իր ընտրազանգվածը, իհարկե, դա ավելի քիչ է, քան նախորդ անգամ։ Բայց ապատիայի մթնոլորտը, որ ստեղծվում է հանրապետությունում ընտրություններին քաղաքացիները ուղղակի չեն մասնակցի։ Կմասնակցի միայն Փաշինյանի ընտրազանգվածը, արդյունքում տեսակարար կշռով վերջինս կհաղթի։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝