ՈՒԿՐԱԻՆԱԿԱՆ ՊԱՏԵՐԱԶՄԸ ԿՇԱՐՈՒՆԱԿՎԻ ՆԱԵՎ ԱՅՍ ՏԱՐԻ

Այն, որ աշ­խար­հում ըն­թա­նում է ա­պա­գա­յին միտ­ված, ա­պա­գա կեր­տող, իսկ ա­վե­լի պարզ` գո­յութ­յան պայ­քար, որ­տեղ պարտ­վող կող­մին ոչ մի շանս չի մնա­լու, տես­նե­լը դժվար չէ: Այս պայ­քա­րի արդ­յուն­քում էլ կձե­ւա­վոր­վեն այն բա­ժա­նա­րար գծե­րը, ո­րոնք, թե­րեւս, կպահ­պան­վեն է­լի առն­վազն ա­ռա­ջի­կա հար­յու­րամ­յա­կում: Եվ այն, որ դեռ ան­ցած տար­վա­նից ԱՄՆ-ում սկսե­ցին խո­սել Մեծ յոթն­յա­կի փո­խա­րեն Մեծ հնգյակ ստեղ­ծե­լու մա­սին` ԱՄՆ-ի, ՌԴ-ի, Չի­նաս­տա­նի, Հնդ­կաս­տա­նի ու Ճա­պո­նիա­յի մաս­նակ­ցութ­յամբ, եվ­րո­պա­ցի­նե­րի հա­մար ար­դեն իսկ պարզ մե­սիջ դար­ձավ, որ ա­պա­գա սխե­մա­նե­րում ԱՄՆ-ն Եվ­րո­պա­յին տես­նում է այն երկ­րոր­դա­կան դե­րում, ինչ մնա­ցած բո­լո­րին:

Ա­հա այս ֆո­նին, բա­վա­կան հե­տաքր­քիր խաղ է նկատ­վում նաեւ ուկ­րաի­նա­կան խա­ղա­տախ­տա­կին: Այս ուղ­ղութ­յամբ եվ­րագ­լո­բա­լիստ­նե­րը փոր­ձե­ցին Թ­րամ­փի հա­մար փա­կու­ղի ստեղ­ծել: Միայն թե շատ ա­վելի նման է, որ հենց գլո­բա­լիստ­նե­րը մնա­ցին այդ թա­կար­դում: Այն է` Ուկ­րաի­նա­յին խա­ղա­ղութ­յան պայ­մա­նա­գիր պար­տադ­րե­լու գոր­ծըն­թա­ցը, ո­րը միան­գա­մայն ակ­տիվ ըն­թաց­քի մեջ էր ան­ցած տար­վա վեր­ջե­րին, եւ որն ակ­տի­վո­րեն տոր­պե­դա­հա­րե­ցին գլո­բա­լիստ­նե­րը, նման է, որ սկսել է մտնել «սա­ռեց­ման» փուլ: Ներ­կա պա­հին Թ­րամփն ա­մեն կերպ ցույց է տա­լիս, որ թեեւ «գոր­ծար­քից» դեռ վերջ­նա­կա­նա­պես ձեռք չի քա­շել, բայց ա­ռաջ­վա ակ­տի­վութ­յու­նը չի էլ պա­հում: Մոսկ­վան էլ իր հեր­թին է մի գլուխ հայ­տա­րա­րում, եւ ե­րեկ էլ ՄԱԿ-ում Ռու­սաս­տա­նի մշտա­կան ​​ներ­կա­յա­ցու­ցիչ Վա­սիլ Նե­բենզ­յա­յի մի­ջո­ցով կրկնեց նույն միտ­քը: Այն է` Մոսկ­վան բա­նակ­ցութ­յուն­նե­րի հիմք չի տես­նում, մինչև «Ուկ­րաի­նա­յի ղե­կա­վա­րութ­յու­նը չհա­մա­ձայն­վի ի­րա­տե­սա­կան պայ­ման­նե­րի հետ»։ Ն­րա խոս­քով՝ ո՛չ «կա­մա­վոր­նե­րի կոա­լի­ցիա­յի» ֆրան­սիա­կան գա­գաթ­ա­ժո­ղո­վը, ո՛չ էլ ՆԱՏՕ-ի ու­ժե­րի ա­ռաջ­խա­ղա­ցու­մը դե­պի Ուկ­րաի­նա­յի սահ­ման­ներ չեն փո­խի Ռու­սաս­տա­նի դիր­քո­րո­շու­մը, և­ օ­տա­րերկր­յա զոր­քե­րի ներ­կա­յութ­յան հնա­րա­վոր հետ­ևանք­ներն ար­դեն բազ­միցս նշվել են։ Իսկ զի­նա­դա­դա­րի կո­չե­րը դիտ­վում են, որ­պես Կի­ևի փորձ՝ ժա­մա­նակ շա­հե­լու հա­մար` մար­տա­դաշ­տում պար­տութ­յուն­նե­րից հե­տո շունչ քա­շե­լու հա­մար:

­Կարճ ա­սած, պա­տե­րազ­մը կշա­րու­նակ­վի եւ ա­վե­լի կխո­րա­նա, քա­նի դեռ Կիե­ւը չի ըն­դու­նել այն պայ­ման­նե­րը, ո­րոնք գա­լիս են Վա­շինգ­տո­նից եւ ո­րոնք ակն­հայ­տո­րեն կան­խավ հա­մա­ձայ­նեց­ված են Մոսկ­վա­յի հետ: Ընդ ո­րում, այս­տեղ կա մեկ էա­կան հան­գա­մանք եւս. այդ պայ­ման­ներն ան­գամ եր­կար չեն գոր­ծի. պա­տե­րազ­մը շա­րու­նակ­վում է, ռազ­մա­դաշ­տա­յին ի­րո­ղութ­յուն­նե­րը փոխ­վում են ա­մեն օր: Այ­սինքն, այն ի­րա­վի­ճա­կը, ո­րը կար ա­սենք մեկ ա­միս ա­ռաջ, եւ ո­րի հի­ման վրա կազմ­վել էին Թ­րամ­փի պայ­ման­նե­րը, հի­մա փոխ­վել է: Ըստ այդմ, ինչ­պես եւ են­թադր­վում էր, կփոխ­վեն նաեւ Կիե­ւին ա­ռա­ջադր­վող պայ­ման­նե­րը:

Եվ­րո­պա­յի հա­մար սա, կրկնենք, նշա­նա­կում է հե­տեւ­յալ փա­կու­ղա­յին վի­ճա­կը: Զե­լենս­կուն տվել են մոտ 90 մի­լիարդ դո­լա­րի խոս­տում, ո­րը պետք է փոր­ձեր բաշ­խել եվ­րո­պա­կան երկր­նե­րի վրա: Սա­կայն շատ երկր­ներ բա­ցա­հայտ հրա­ժար­վում են դրան մաս­նակ­ցել, ո­րոշ­նե­րը պաշ­տո­նա­կան հայ­տա­րա­րութ­յուն են ա­րել առ­հա­սա­րակ Ուկ­րաի­նա­յին ո­րե­ւէ օգ­նութ­յուն ցու­ցա­բե­րե­լու մա­սին: Եվ ե­թե պա­տե­րազ­մի ջա­տա­գով մնաց­յալ եվ­րո­պա­կան երկր­նե­րը չկա­րո­ղա­նան այդ գու­մա­րը գտնել, այն էլ տնտե­սա­կան ռե­ցե­սիա­նե­րի եւ հսկա­յա­կան պարտ­քե­րի պայ­ման­նե­րում, ա­պա դա ոչ միայն ան­մի­ջա­պես կանդ­րա­դառ­նա պա­տե­րազ­մի հե­տա­գա ըն­թաց­քի, այլ նաեւ` Եվ­րո­պա­յի վար­կա­նի­շի վրա` որ­պես «խա­բո­ղի»:

Ե­թե ան­գամ կա­րո­ղա­նան այդ գու­մար­նե­րը գտնել, հարց է, թե ԱՄՆ-ն­ ան­գամ վճա­րե­լու դի­մաց ի՞նչ զենք կմա­տա­կա­րա­րի եւ ի՞նչ քա­նա­կութ­յամբ: Եվ­րո­պա­կան զի­նա­պա­հեստ­ներն էլ ար­դեն միան­գա­մայն խղճուկ վի­ճա­կում են, հա­մալ­րե­լու, այն է` ար­տադ­րութ­յունն ա­վե­լաց­նե­լու հա­մար եր­կար ժա­մա­նակ է պետք: Այ­սինքն, սա եւս ան­մի­ջա­կա­նո­րեն պա­տե­րազ­մի վրա ազ­դող կա­րե­ւո­րա­գույն գոր­ծոն է:

Եվս մեկ նյո­ւանս: Ռու­սաս­տա­նը, ի տար­բե­րութ­յուն Եվ­րո­պա­յի, թեեւ գտնվե­լով բարդ տնտե­սա­կան վի­ճա­կում, սա­կայն ինչ­պես զեն­քի ար­տադ­րութ­յան ծա­վալ­նե­րի, այն­պես էլ ար­դիա­կա­նաց­ման հար­ցում ակն­հայ­տո­րեն գտնվում է վե­րել­քի վի­ճա­կում: Նաեւ, որ չա­փա­զանց կա­րե­ւոր է, մշակ­վել եւ մշակ­վում են մար­տա­վա­րութ­յան նո­րա­գույն ե­ղա­նակ­ներ, ո­րոնք ներ­կա պա­հին ա­ռա­վել քան տե­սա­նե­լի են ռազ­մա­ճա­կատ­նե­րում:

Ա­մե­նա­կա­րե­ւոր գոր­ծոն­նե­րից մե­կը. նշվա­ծի հան­րա­գու­մա­րում, ներ­կա պա­հին ռուս­նե­րը  լիո­վին տի­րում են ստրա­տե­գիա­կան նա­խա­ձեռ­նութ­յա­նը, ընդ ո­րում, բո­լոր ուղ­ղութ­յուն­նե­րում: Ուկ­րաի­նա­կան ու­ժե­րի մի շարք «մսա­յին» հա­կա­հար­ձա­կում­ներն էլ, ո­րոնք հատ­կա­պես տե­սա­նե­լի էին Պոկ­րովսկ-­Միր­նոգ­րա­դի անգ­լո­մե­րա­ցիա­յի, Կուպ­յանս­կի հա­մար վեր­ջին մար­տե­րում, ի­րենց հեր­թի խո­րաց­րին այն կա­տաստ­րո­ֆիկ վի­ճա­կը, ո­րում գտնվում է ուկ­րաի­նա­կան բա­նա­կը:

­Գու­մա­րած այս ա­մե­նին, ռու­սա­կան բա­նա­կը գործ­նա­կա­նում բո­լոր ճա­կատ­նե­րում ար­դեն հաղ­թա­հա­րել է կամ հաղ­թա­հա­րում է այն հին պաշտ­պա­նա­կան հա­մա­կար­գե­րը, ո­րոնք Կիե­ւը ստեղ­ծում է 2022թ.-ից, շա­տերն էլ` 2014թ.-ից ի վեր: Փոր­ձում են ա­րա­գաց­ված կար­գով կա­ռու­ցել նոր հա­մա­կար­գեր, ո­րոնք սա­կայն ժա­մա­նա­կի եւ ֆի­նանս­նե­րի սղութ­յան պատ­ճա­ռով մի քա­նի գլխով զի­ջում են հնե­րին, այն է` ռուս­նե­րի հա­մար շատ ա­վե­լի հեշտ հաղ­թա­հա­րե­լի են:

Այս­պի­սով, ռազ­մա­ճա­կա­տա­յին ի­րա­վի­ճա­կը սկսել է փոխ­վել պա­տե­րազ­մի սկզբնա­կան ժա­մա­նա­կա­հատ­վա­ծի հետ հա­մե­մա­տած էա­կա­նո­րեն ա­վե­լի ա­րագ: Այս պա­հին ռու­սա­կան թի­րա­խում են այն գո­տի­նե­րը, ո­րոնք կմնա­յին Կիե­ւին, թե կնքվեր Թ­րամ­փի ա­ռա­ջար­կած պայ­մա­նա­գի­րը: Այդ թվում` Զա­պո­րո­ժիեն, մեծ վտան­գի տակ է Դ­նեպ­րո­պետ­րովս­կը, շատ լուրջ սպառ­նա­լիք­ներ կան Խար­կո­վում, Սու­միում: Մին­չեւ իսկ շատ փոր­ձա­գետ­ներ սկսել են խո­սել Նի­կո­լաեւ-Օ­դե­սա ուղ­ղութ­յամբ ռուս­նե­րի հնա­րա­վոր հար­ձակ­ման մա­սին, ո­րը շատ ա­վե­լի ի­րա­տե­սա­կան դար­ձավ այն բա­նից հե­տո, երբ Կիե­ւի հետ մեկ­տեղ Քի­շի­նե­ւը ո­րո­շեց փա­կել դե­պի Մերձդ­նեստր տա­նող ու­ղի­նե­րը:

Այ­սինքն, ե­թե հա­ջորդ «խա­ղա­ղութ­յան պայ­մա­նա­գի­րը» ա­մե­րի­կա­ցի­ներն ա­ռա­ջար­կեն, ա­պա չպետք է բա­ցա­ռել, որ այս դեպ­քում պայ­մա­նը կա­րող է լի­նել Դ­նեպր գե­տի ա­րե­ւել­յան գո­տուց ուկ­րաի­նա­կան ու­ժե­րի դուրս­բե­րու­մը: Ա­մեն դեպ­քում, ուկ­րաի­նա­կան փոր­ձա­գետ­նե­րը են­թադ­րում են, որ պա­տե­րազ­մը մին­չեւ այս տար­վա ա­մե­նա­քի­չը կե­սը, ա­վե­լի ռեալ` տա­րե­վերջ դեռ կշա­րու­նակ­վի, ին­չը հաս­տատ էա­պես փո­խե­լու է ներ­կա ռազ­մա­կան ի­րա­վի­ճա­կը:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝