Սվյատոգորսկում ռուսների ճեղքումն ուկրաինական ուժերի համար ամենավտանգավոր ուղղություններից մեկն է սկսել դառնալ (Քարտեզ)

Ռուսական բանակի խորքային ճեղքումը հյուսիսդոնբասյան ճակատում` Սվյատոգորսկի ուղղությամբ շարունակվում է: Ավելին, այս ճեղքումն ուկրաինական ուժերի համար ամենավտանգավոր ուղղություններից մեկն է սկսել դառնալ:

Այսպես, ռուսական ուժերը ներկա պահին հասել են Սվյատոգորսկի ծայրամասեր և աքցանային շարժումով գրավում են քաղաքը։

Սվյատոգորսկը գրավելու դեպքում, ռուսները կհարվածեն Բոգորոդիչոե բնակավայրի ուղղությամբ, որից այն կողմ արդեն Հյուսիսայի Դոնբասում ուկրաինական ուժերի սնուցկան հիմնական ուղին է` Իզյում-Սլավյանսկ մայրուղին: Հետագա առաջխաղացումը ռուսական ուժերին դուրս է բերում Սլավյանսկ-Կրամատորսկ անգլոմերացիայի արեւմտյան թեւ: Իսկ դա ուկրաինական կողմի համար վտանգի տակ է դնում ողջ Հյուսիսային Դոնբասը:

Ընդ որում, Սվյատոգորսկի օպերացիայի ներկա փուլում ռուսներն արդեն գործնականում դուրս են եկել Սլավյանսկի հյուսիսային գոտի:

Միաժամանակ, Սվյատոգորսկը գրավելով, ռուսական ուժերը կարող են զարգացնել հարձակումը Օսկոլ-Իզյում ուղղությամբ, որը նոր խոշոր խնդիր է ուկրաինական ուժերի համար, բայց արդեն Խարկովում: 

Վերջապես, ընթացող օպերացիայի շրջանակներում ռուսական ուժերն ակտիվ եւ խորը` մոտ 10 կիլոմետրանոց առաջխաղացում ունեն նաեւ Սեւերսկի Դոնեց գետի աջափնյա հատվածում` գետի երկայնքով: Այդպիսով, սկսում են փակել Լիմանի արեւմուտքը (Քարտեզ 4), այն դեպքում, երբ հարավից` Դիբրովայի ուղղությունից կա ընդառաջ հարձակումը, որը կարող է հասցնել Լիմանի ամբողջական շրջապատման:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝