«Հայրենիքի վահան» պահեստազորի սպաների միության խորհուրդը հայտարարությամբ է հանդես եկել

Ներքաղաքական 12 Հունվար, 2026 13:10

«Հայրենիքի վահան» պահեստազորի սպաների միության խորհուրդը հայտարարությամբ է հանդես եկել, որում մասնավորապես ասված է.

«Հայրենիքի վահան» պահեստազորի սպաների միության անդամներս, գիտակցելով Հայ Առաքելական Սուրբ Եկեղեցու առաքելությունը, նրա հոգևոր ու ազգային նշանակությունը մեր ժողովրդի կյանքում, որդիական խոնարհությամբ և պատասխանատվության զգացումով վերահաստատում ենք մեր անվերապահ նվիրվածությունն ու հավատարմությունը Մայր Աթոռ Սուրբ Էջմիածնին՝ որպես մեր հավատքի և ազգային ինքնության սրբազան կենտրոն, ինչպես նաև նրա գահակալին՝ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսին:

Անընդունելի է Եկեղեցու ներքին կյանքը խաթարող, նրա միասնությունը վտանգող և մեր հավատացյալ ժողովրդին պառակտելու նպատակ հետապնդող ցանկացած կործանարար գործընթաց։ Անսասան կանգնած ենք Հայ Առաքելական Սուրբ Եկեղեցու միասնության, կանոնական կարգի և հոգևոր արժեքների պաշտպանության դիրքերում՝ հավատալով, որ միայն հավատքով, հնազանդությամբ և միասնականությամբ կարող ենք պահպանել այն Սրբազան ժառանգությունը, որը մեզ է փոխանցվել դարերի ընթացքում և պարտավոր ենք այն փոխանցել գալիք սերունդներին։

Կոչ ենք անում Հայաստանի Հանրապետության բոլոր քաղաքացիներին, հասարակական և քաղաքական կազմակերպություններին, նախաձեռնություններին, աշխարհասփյուռ հայությանը շարունակական դարձնել աջակցությունը և պաշտպանությունը Հայաստանյայց Առաքելական Սուրբ Եկեղեցուն, Վեհափառ Հայրապետին, հոգևորականներին և Եկեղեցու սպասավորներին»։

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

«Հայրենիքի վահան» պահեստազորի սպաների միության խորհուրդը հայտարարությամբ է հանդես եկել

Փոխարժեք