Ամեն ինչ արվում է, որպեսզի հասարակությանը տանեն պառակտման․ Հայտնի իրավապաշտպանը պետություն-եկեղեցի խորացող ճգնաժամի անդառնալի հետեւանքների մասին

Որքանով է իրավաչափ պետության ղեկավարի կողմից այսչափ կոշտ եւ բացահայտ միջամտությունը եկեղեցու կյանքին, այն դեպքում, երբ ՀՀ մայր օրենքով եկեղեցին անջատ է պետությունից։ Հարցի իրավական պատասխանը ստանալու համար դիմել ենք հայտի իրավապաշտպան, ՄԻԵԴ-ում մի շարք հնչեղ գործերով հաջողության հասած «Լեվ Գրուպ» փաստաբանական ընկերության հիմնադիր-ղեկավար, ԴՕԿ կուսակցության շտաբի պետ ԼԵՎՈՆ ԲԱՂԴԱՍԱՐՅԱՆԻՆ, ով նախ նկատեց․

-Ինձ համար բավականին տհաճ է անդրադառնալ մի բանի, որին նախ բազմիցս անդրադարձել եմ։ Գլոբալ հարթության վրա պետք է ընդամենը նայել հետեւյալ կարեւոր հանգամանքին, ո՞վ ունի պոզիտիվ պարտավորություն համախմբելու ազգը, ո՞վ ունի պոզիտիվ պարտավորություն ցնցումների չտանելու հասարակությանը։ Օբյեկտիվ տեսակետից այդ պարտավորությունը ընկած է Գործադիր մարմնի վրա, եւ ինչու ոչ այդ պարտավորության կրողը պետք է լինի նաեւ եկեղեցին։

Արձանագրում եմ, որ այսօր, ցավոք, ո՛չ եկեղեցին, ո՛չ պետությունը չունեն նման ցանկությունը վեր կանգնելու ամբիցիաներից եւ խաղաղալով հասարակության էմոցիաների վրա՝ երկուստեք ամեն ինչ արվում է, որպեսզի հասարակությանը տանեն պառակտման։ Նման դեպքում լոկալ առումով այ՛ո, իշխանությունը ի դեմս վարչապետի չունի իրավունք միջամտելու, եկեղեցին էլ ՝ ի դեմս Հայ Առաքելական սուրբ եկեղեցու ունի պոզիտիվ պարտավորություն համախմբելու, ոչ թե պառակտելու հասարակությանը։ 

Հայտնի փաստաբանը նկատում է նաեւ․

-2026թ․-ը նշանավորվել է համապետական ընտրություններով եւ այս պահից սկսած հասարակությունը պետք է խորհի եւ հասկանա, թե վերջապես ում է տալու իր քվեն։ Որպեսզի գլխավոր պլան գնա պետությունը,պետայանաշինությունը ,այլ ոչ թե երոշ անձանց ամբիցիաները։ Վերջապես, անհրաժեշտ է գիտակցել, որ  օրենքի դիկտատուրայի ուժով, և բացառապես միասնաբար է հնարավոր ունենալ արժանապատիվ քաղաքացի,հզոր պետականություն։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝