ԱՄՆ-ն պատրաստվում է մեծ պատերազմի. Ո՞ւմ դեմ

Այսպիսով, Թրամփը հայտարարեց 2027 ֆինանսական տարվա (որը ԱՄՆ-ում սկսվում է 2026 թվականի հոկտեմբերի 1-ին) ԱՄՆ ռազմական բյուջեն 50%-ով ավելացնելու մասին (1 տրիլիոն դոլարից մինչև 1.5 տրիլիոն դոլար):

Թե ինչ է սա նշանակում, երեւի դժվար չէ հասկանալը: Ռազմական ծախսերի նման կտրուկ աճը միշտ խոշոր պատերազմի նախապատրաստման հիմնական ցուցանիշն է: Առավել եւս մի պետության կողմից, որն առանց այդ էլ ունի ահռելի պարտք եւ բյուջեի դեֆիցիտ: Ընդ որում, նման քայլը նաև վերջ է դնում բյուջեի դեֆիցիտի դեմ պայքարին, որի մասին Թրամփը մի գլուխ խոսում էր իր նախընտրական ժամանակներից սկսած: Ասենք, խոշոր պատերազմի դեպքում դեֆիցիտի դեմ պայքար ասվածը բացարձակապես անտեղի է:

Ո՞ւմ դեմ է պատրաստվում պատերազմել Թրամփը: Երկու տեսանելի թեկնածու կա` Մոսկվան եւ Պեկինը: Ռուսաստանի դեմ պատերազմի համար նման ավելացումն անիմաստ է. առանց այդ էլ ԱՄՆ-ն ունի այն կարգի գերազանցությւոն սովորական սպառազինությունների գծով, որ ներկայիս բյուջեն անգամ բավարար կլիներ ռուսների հետ պատերազմելու համար: Ավելին, այդ փաստը հաշվի առնելով, Ռուսաստանի դեմ ԱՄՆ-ի պատերազմը հազիվ թե մեծ ծախսեր պահանջի. այն կլինի շատ կարճ, հազիվ ժամերի տեւողությամբ, ու վերջում երկրագնդից բան չի մնա:

Չինաստանի դեմ պատերազմը, հաշվի առնելով չինական միջուկային հզորությունների ներկա բավականին համեստ մակարդակը, շատ ավելի մեծ հավանականությամբ տեղի կունենա սովորական սպառազինությունների հարթությունում: Եվ այս դեպքում, իհարկե, հաշվի առնելով Չինաստանի ոչ միջուկային ռազմական ներուժը, ԱՄՆ-ին շատ ավելի մեծ ռազմական ծախսեր պետք կգան, քան ներկա ռազմական բյուջեն է թույլ տալիս:

Այո, թերեւս միանգաման ճիշտ Թաքեր Կարլսոնը, ով վստահ է, որ այս բոլոր նախապատրաստությունները ոչ թե ՌՈՒՍԱՍՏԱՆԻ, այլ ՉԻՆԱՍՏԱՆԻ դեմ են:

Ըստ էության, ամերիկացիները այժմ այլ տարբերակ չունեն, քան Չինաստանին պատերազմի հրահրելը: Իհարկե, ցանկալի է պրոքսի տարբերակով` միջնորդական միջոցառումների միջոցով, որոնց ԱՄՆ-ն պարզապես կօգնի, ինչպես դա արեց Կիևի պարագայում: Բայց հաշվի առնելով չինական բանակի մեծությունը, զորակոչային հսկա պոտենցյալը, այդ տարբերակը կարող է չօգնել, եւ շատ մեծ է հավանականությունը, որ ԱՄՆ-ն ստիպված լինի ուղիղ բախման գնալ: Ընդ որում, հարձակման համար ԱՄՆ-ին համար գրեթե ժամանակ չի մնացել:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝