Սերժ Ավետիքյանը՝ Գորբաչովի դերում

«Այս տարի ֆրանսիական հեռուստաէկրաններին 2 ամենահայտնի ֆրանսահայ դերասանները 2 մեծ սերալներում կերտելու են 2 նախագահների կերպարներ։

Սիմոն Աբգարյանի Դը Գոլի մասին` հետո առանձին, իսկ հիմա France 2-ով մեկնարկել է Ֆրանսուա Միտերանի մասին 4 մասից Mitterrand Confidentiel-ը, որտեղ Ֆրանսիայի նշանավոր նախագահի դերում է հիանալի դերասան Դընի Պոդալիդեսը, ով արդեն հասցրել էր խաղալ Սարկոզի, իսկ Դըպլեշենից, Կլեր Դընիից, Տավերնյեից, Պոլանսկուց ու էլի շատերից բացի նաև համագործակցել Անրի Վերնոյի և Ռոբեր Գետիկյանի հետ, իսկ Սովետի վերջին գլխավոր քարտուղարի, առաջին և վերջին նախագահ Միխայիլ Գորբաչովի դերում է Սերժ Ավետիքյանը», - գրել է «Ոսկե ծիրան» միջազգային կինոփառատոնի գեղարվեստական ղեկավար եւ տնօրեն ԿԱՐԵՆ ԱՎԵՏԻՍՅԱՆԸ: