Շանտաժը այլ բնույթի է... սրա վրա է պետք ուշադրություն դարձնել. Բալասանյան

«Թրամփը Նաթանյահուի մոտ գլուխ է գովում, թե բա շանտաժ եմ արել հարավային Կովկասի երկու ղեկավարներին, որ 200% մաքսատուրք կմտցնեմ, եթե ուզածս չանեք։ Ու իրենք էլ ափալ -թափալ եկան պայմանագիրը ստորագրեցին ու արդեն խաղաղ են ու երջանիկ։

 

Հիմա մի պահ ավելի սառը դատենք։ ԱՄՆ հետ Ադրբեջանի ապրանքաշրջանառությունը 2025 հունվար-հունիս կազմել է 1 միլիարդ ԱՄՆ դոլար, որից 960 միլիարդը կազմում է ամերիկյան ապրանքների ներկրումը։ ՀՀ-ԱՄՆ ապրանքաշրջանառությունը կազմել է մոտ 300 միլիոն ԱՄՆ դոլար։

 

Այս աննշան թվերը վկայում են այն մասին, որ զուտ տնտեսական առումով սա ոչ մի ազդեցություն չէր ունենալու Ադրբեջանի և Հայաստանի վրա։ Նշանակում է շանտաժը այլ բնույթի է։ Իսկ այդ ինչ գիտեն ԱՄՆ իշխանությունները, որի արտահոսքը թույլ չտալու համար մենք համաձայնվում ենք Իրանի հետ սահմանը փաստացի հանձնել Թրամփին: Սրա վրա է պետք ուշադրություն դարձնել։ Մնացածը հեքիաթ է», - գրել է ԵՊՀ Միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆԸ: