Դելսի Ռոդրիգեսը երդվել է որպես Վենեսուելայի նախագահի պաշտոնակատար
Միջազգային
Վենեսուելայի փոխնախագահ Դելսի Ռոդրիգեսը երդվել է որպես երկրի նախագահի պաշտոնակատար, հայտնում է ՏԱՍՍ-ը։ Երդումն ընդունել է խորհրդարանի խոսնակ Խորխե Ռոդրիգեսը։
«Ես այստեղ եմ եկել որպես Վենեսուելայի Բոլիվարյան Հանրապետության սահմանադրական նախագահ Նիկոլաս Մադուրո Մորոսի գործադիր փոխնախագահ՝ երդում տալու համար։ Ես դա անում եմ ցավով՝ մեր հայրենիքի դեմ անօրինական ռազմական ագրեսիայի հետևանքով վենեսուելացի ժողովրդին պատճառված տառապանքների պատճառով»,- ասել է Ռոդրիգեսն արարողության ժամանակ։
Երդման ժամանակ գործող նախագահը Մադուրոյին և նրա կնոջը՝ Սիլիա Ֆլորեսին, անվանել է «հերոսներ, որոնք պատանդ են պահվում Միացյալ Նահանգներում»։
«Ես երդվում եմ իմ պատվով, որ չեմ հանձնվի և չեմ հանգստանա, մինչև չտեսնեմ, թե ինչպես է Վենեսուելան հասնում իր ճակատագրին որպես ազատ, ինքնիշխան և անկախ ազգ»,- ասել է Ռոդրիգեսը։ ԱՄՆ-ն հունվարի 3-ին հարվածներ էր հասցրել Վենեսուելային, այդ թվում՝ մայրաքաղաք Կարակասին: Գործողության ընթացքում ԱՄՆ հատուկջոկատայինները ձերբակալել էին Մադուրոյին և նրա կնոջը՝ Ֆլորեսին, նրանց դուրս էին բերել երկրից ու ԱՄՆ-ում մեղադրանք առաջադրել:
Մադուրոյին մեղադրում են մի քանի ծանր հանցագործության մեջ, որոնք պաշտոնական ձևակերպմամբ՝ կապվում են թմրանյութերի ապօրինի շրջանառության և զինված խմբավորումների հետ։ ՌԴ ԱԳՆ-ն կոչ էր արել ԱՄՆ ղեկավարությանն ազատ արձակել Մադուրոյին և նրա կնոջը։
Ունանյանը վնասվածքով կմենամարտի վտանգավոր Ռոնդինելլիի հետ 
1
9226 դիտում
2
5207 դիտում
3
4833 դիտում
4
4271 դիտում
5
2863 դիտում
1
26129 դիտում
2
19364 դիտում
4
8168 դիտում
1
49895 դիտում
3
22086 դիտում
5
10577 դիտում
