Օրենքը ծառայեցնենք մարդուն, ազատությունը՝ ճշմարտությանը. ԴՕԿ կուսակցության շտաբի պետի Սուրբ Ծննդյան շնորհավորանքը

Սուրբ Ծնունդը ոչ միայն աստվածային Լույսի աշխարհ գալու խորհուրդն է, այլև օրենքի, խղճի և արդարության վերածնունդը մարդու մեջ։ Այդ գիշեր Բեթղեհեմում ծնվեց ոչ թե պարզապես Մանուկ Հիսոսը , այլ՝ Ճշմարտությունը, որը չի պարտադրվում ուժով, այլ հաստատվում է սիրով, պատասխանատվությամբ և ներքին կարգապահությամբ։

Մարդկային օրենքը արժեք ունի միայն այն դեպքում, երբ համահունչ է բարոյական օրենքին։ Իսկ բարոյական օրենքը կենդանի է այնտեղ, որտեղ մարդը պատասխանատու է ոչ միայն իր իրավունքների, այլև իր պարտականությունների համար։ Իրավունքը առանց խղճի դառնում է բռնություն, իսկ խիղճը առանց իրավունքի՝ անպաշտպան աղոթք։

Քրիստոսի Ծնունդը մեզ հիշեցնում է մի հիմնարար ճշմարտություն․
արդարությունը սկսվում է անձից, պետությունը կայանում է արժանապատիվ քաղաքացուց, իսկ խաղաղությունը ծնվում է այն ժամանակ, երբ ուժը զիջում է բարոյականությանը։

Թող  Սուրբ Ծնունդը դառնա վերաիմաստավորման պահ՝

օրենքը ծառայեցնենք մարդուն,

իշխանությունը՝ պատասխանատվության

ազատությունը՝ ճշմարտությանը,

իսկ հավատքը՝ գործին։

Շնորհավոր Սուրբ Ծնունդ։ 
ԴՕԿ կուսակցության գլխավոր շտաբի պետ,փաստաբան' Լևոն Բաղդասարյան

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝