Հունվարի 5. 10 Խոսքեր որ հրեշտակն ասաց Մարիամին

10 Խոսքեր որ հրեշտակն ասաց Մարիամին, երբ ավետում էր Քրիստոսի ծնունդը։

1․ Ուրախացի՛ր, ո՛վ շնորհընկալ, Տերը քեզ հետ է։

2․ Մի՛ վախեցիր, Մարիա՛մ, որովհետև Աստծուց շնորհ գտար։ 

3․ Եվ ահա կհղիանաս ու կծնես մի որդի և անունն էլ Հիսուս կդնես։

4․ Նա մեծ կլինի և Բարձրյալի որդի կկոչվի։

5․ Եվ Տերը՝ Աստված, նրան կտա նրա հոր՝ Դավթի աթոռը, և նա հավիտյան կթագավորի Հակոբի տան վրա։

6․ Նրա թագավորությունը վախճան չի ունենա։

7․ Սուրբ Հոգին կգա քեզ վրա, և Բարձրյալի զորությունը հովանի կլինի քեզ։

8․ Նա, որ քեզնից է ծնվելու, սուրբ է և Աստծու Որդի պիտի կոչվի։

9․ Եվ ահա քո ազգական Եղիսաբեթը. նա ևս հղի է իր ծերության մեջ, և սա ամուլ կոչվածի հղիության վեցերորդ ամիսն է։

10․ Աստծու համար անկարելի բան չկա։

Այդժամ Մարիամն ասաց. «Ահավասիկ Տիրոջ աղախինն եմ, թող քո խոսքի համաձայն լինի ինձ»։ Եվ հրեշտակը հեռացավ նրանից (Ղկ․ 1։26-38)։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝