Ճարպոտ սննդի և ալկոհոլի համադրման հետևանքների մասին

Ալկոհոլի և ճարպոտ սննդի համադրությունը զգալի բացասական ազդեցություն ունի օրգանիզմի վրա: Դրանց միաժամանակյա օգտագործումը առաջացնում է մի շարք կենսաքիմիական գործընթացներ, որոնք կարող են հանգեցնել սուր և քրոնիկ հետևանքների, RT-ին տված հարցազրույցում զգուշացրել է գաստրոէնտերոլոգ Նատալյա Մոտիլեւան։ 

«Ամենալուրջներից մեկը սուր պանկրեատիտի՝ ենթաստամոքսային գեղձի բորբոքման զարգացումն է: Ալկոհոլային խմիչքները առաջացնում են ենթաստամոքսային գեղձի ծորանների նեղացում՝ խոչընդոտելով մարսողական հյութերի բնականոն հոսքը աղիքներ: Բացի այդ, ճարպոտ սնունդը խթանում է լիպազի արտադրությունը՝ ճարպերի մարսման համար անհրաժեշտ նյութ», - բացատրել է փորձագետը:

Ըստ նրա՝ սա հանգեցնում է սուր պանկրեատիտի, որն ուղեկցվում է այնպիսի ախտանիշներով, ինչպիսիք են վերին որովայնի ցավը, փքվածությունը, սրտխառնոցը, փսխումը և աղիքների խանգարումը:

«Բացի այդ, ճարպոտ սննդի և ալկոհոլային խմիչքների կանոնավոր օգտագործումը կարող է նպաստել լյարդի ճարպային հիվանդության զարգացմանը: Երբ մարմինը նյութափոխանակում է ալկոհոլը, առաջանում է ացետալդեհիդ՝ թունավոր նյութ, որը նպաստում է լյարդի բջիջներում ճարպի կուտակմանը, ինչը հանգեցնում է ալկոհոլային լյարդի ճարպային հիվանդության: Անառողջ հագեցած ճարպերով հարուստ սննդի, ինչպիսիք են երշիկեղենը, տապակած սնունդը և կրեմային խմորեղենը, օգտագործումը նույնպես նպաստում է լյարդում ճարպի կուտակմանը, ինչը կարող է հանգեցնել ոչ ալկոհոլային լյարդի ճարպային հիվանդության», - ընդգծել Նատալյա Մոտիլեւան։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝