Երևան-Երասխ ավտոճանապարհին վթարի հետևանքով 4 մարդ է տուժել
ՊատահարԵրևան–Երասխ ավտոճանապարհին տեղի է ունեցել ճանապարհատրանսպորտային պատահար, կա 4 տուժած: Այս մասին հայտնում են ՀՀ ՆԳՆ Փրկարար ծառայությունից։ Հունվարի 2-ին՝ ժամը 12:04-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգավան գյուղի կամրջի մոտակայքում տեղի է ունեցել ՃՏՊ: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ ավտոճանապարհի 45-րդ կմ-ին բախվել են Opel և Toyota մակնիշի ավտոմեքենաները: Մինչ փրկարարների՝ կանչի վայր հասնելը 4 տուժածները ավտոմեքենաներից դուրս են բերվել ականատեսների ուժերով և տեղափոխվել բուժհաստատություն: Փրկարարները հոսանքազրկել են ավտոմեքենաները և փակել գազի բալոնների փականները:
