Լռությունը պետք է փոխարինվի ճշմարտությամբ. Ալբերտ Մովսիսյան

Սրտանց շնորհավորում եմ ձեզ գալիք Նոր տարվա կապակցությամբ։

 

Անցնող տարին մեզ համար հեշտ չէր․ այն լի էր փորձություններով, բայց նաև՝ արթնացնող ճշմարտություններով։ Այդ ճանապարհին ավելի հստակ հասկացանք, որ մեր ամենամեծ ուժը արդար խոսքն է, ճշմարտությանն անդավաճան մնալը և ազգային արժանապատվությունը։

 

Գալիք տարին լինելու է որոշիչ։ Այն պետք է դառնա արդարության վերականգնման տարի՝ թե՛ պետական կառավարման մեջ, թե՛ հասարակական կյանքում, թե՛ յուրաքանչյուր քաղաքացու նկատմամբ։ Սա այն տարին է, երբ լռությունը պետք է փոխարինվի ճշմարտությամբ, անտարբերությունը՝ պատասխանատվությամբ, իսկ հուսահատությունը՝ գործով։

 

Մաղթում եմ մեր հայ ժողովրդին խաղաղություն, անվտանգություն և վստահություն վաղվա օրվա նկատմամբ։ Թող յուրաքանչյուր ընտանիքում լինի առողջություն, ջերմություն և հավատ։

 

Հայաստանը կարող է և պարտավոր է ունենալ արդար, արժանապատիվ ու պատասխանատու պետություն։ Մեր կուսակցության անդամներին և գաղափարակիցներին մաղթում եմ հաստատակամություն, համախմբվածություն և անսասան կամք։ Մեր ճանապարհը հեշտ չէ, բայց այն ճիշտ է, որովհետև կառուցվում է ճշմարտության, արդարության և ժողովրդի շահի վրա։

 

Թող Նոր տարին լինի վերականգնման, նոր սկիզբների և հաղթանակների տարի՝ թե՛ յուրաքանչյուր հայի, թե՛ մեր պետության համար։ Նոր տարին թող գա հույսով, իսկ մենք՝ արժանի լինենք այդ հույսին։ Շնորհավոր Նոր տարի և Սուրբ Ծնունդ»։