Լիահույս ենք՝ մեր հասարակությունն առաջիկայում իր ապագայի ընտրությամբ կդրսևորի իրեն յուրահատուկ իմաստություն. Վազգեն Սաֆարյան

Սիրելի՜ հայրենակիցներ,

 

Հայաստանի Առաջադիմական միացյալ կոմունիստական կուսակցության և իմ անունից շնորհավորում եմ ձեզ Նոր տարվա և Սուրբ Ծննդյան տոների կապակցությամբ։

 

2025 թվականն անցավ պատմության գիրկը։ Մեզանից յուրաքանչյուրը ունի իր գնահատականը անցնող տարվա մասին` ելակետ ունենալով սեփական կյանքի, երկրի և նրա շուրջ ստեղծված իրողությունները, հասարակության մեջ ընթացած խմորումները։

 

Արդի հարափոփոխ աշխարհը լի է տագնապներով, սպասումներով` պատերազմներ, ազգամիջյան հակամարտություններ բնական և այլ աղետներ։

Մեր ժողովրդին բնորոշ են լավատեսությունը, ողջամտությունը, ազգային արժանապատվությունն ու համբերատարությունը` հենված պատմական անցյալի փորձին ու իմաստությանը։

 

Լիահույս ենք, որ մեր հասարակությունը առաջիկայում իր ապագայի ընտրությամբ կդրսևորի իրեն յուրահատուկ իմաստություն և տեր կկանգնի իր ճակատագրին` անտարակույս գիտակցելով, որ իր հայեցողական ու պասիվ կեցվածքը այլևս չի նպաստի մեր երկրի համակողմանի առաջընթացի ապահովմանը։

 

Սիրելի՜ հայրենակիցներ,

 

Մաղթում ենք ձեզ, ձեր ընտանիքներին առողջություն, հաջողություններ և անկոտրում հավատ առ մեր ապագան։