Շնորհավոր Ամանոր. 2026-ը՝ ճշմարտության, հավատքի եւ ազգային դիմադրության տարի

Սիրելի՛ ընթերցողներ,

Շնորհավորում եմ ձեզ Նոր տարվա եւ Սուրբ Ծննդյան տոների կապակցությամբ։

Մենք դիմավորում ենք այս տարին ոչ թե ինքնախաբեությամբ, այլ՝ բաց աչքերով ու ուղիղ մեջքով։ Ոչ թե լռությամբ, այլ՝ շիտակ խոսքով։ Ոչ թե հաշտվելով անարդարության հետ, այլ՝ հավատով, որ ճշմարտությունն ի վերջո հաղթում է։

2026-ը թող լինի այն տարին, երբ հայ մարդը կրկին վստահի իր ուժին, իր բանակին, իր հավատքին ու իր ազգային արժանապատվությանը։

Սուրբ Ծննդյան լույսը հիշեցում է, որ քրիստոնեական հավատքը միայն ծես չէ, այլ պատասխանատվություն՝ բարու, արդարության ու ճշմարտության առաջ։ Ազգը, որ պահում է իր հավատն ու հիշողությունը, չի պարտվում: Մեր ճանապարհը դժվար է, բայց այն մերն է՝ ազգային, պետական եւ արժանապատիվ։

«Իրավունքը» 2026-ին եւս լինելու է իր ընթերցողների հետ՝ 24/7 ռեժիմով: Խոսելու ենք այն, ինչ ցավեցնում է հայատյացներին, գրելու ենք այն, ինչ լռեցնում են, պաշտպանելու ենք այն արժեքները, որոնք փորձ է արվում նսեմացնել՝ Հայրենիք, Եկեղեցի, Ազգ, Պետություն։

Թող Նոր տարին ձեր տները լցնի առողջությամբ, ձեր ընտանիքները՝ միասնությամբ, ձեր սրտերը՝ հույսով, իսկ մեր բոլորիս մեջ ամրացնի համոզումը, որ Հայաստանն արժանի է ավելի լավ ապագայի։

Շնորհավո՜ր:

Հավատով ու պատասխանատվությամբ՝
«Իրավունք» թերթի եւ Iravunk.com-ի խմբագրակազմ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝