Դոհայում ավարտվել է 2025 թ. աշխարհի արագ շախմատի առաջնությունը. հայտնի են հայ մարզիկների արդյունքները

Սպորտ 29 Դեկտեմբեր, 2025 4:00

Քաթարի մայրաքաղաք Դոհայում ավարտվեց 2025 թվականի աշխարհի արագ շախմատի առաջնությունը: Այդ մասին հայտնում է Հայաստանի շախմատի ֆեդերացիան:

Տղամարդկանց առաջնությանը մասնակցեցին 64 երկրների 247 շախմատիստներ, այդ թվում՝ 126 գրոսմայստերներ:

Աշխարհի չեմպիոն դարձավ Մագնուս Կարլսենը, որը 13 հնարավորից վաստակեց 10 միավոր:

Հայաստանը ներկայացնող շախմատիստներից լավագույն արդյունքները ցույց տվեցին Շանթ Սարգսյանը և Հայկ Մարտիրոսյանը, որոնք վաստակեցին 8 միավոր:

Շանթը և Հայկը զբաղեցրին համապատասխանաբար 38-րդ և 51-րդ հորիզոնականները:

Ներկայացնում ենք Հայաստանը ներկայացնող բոլոր շախմատիստների արդյունքները.

ՄԳ Շանթ Սարգսյան՝ 8 միավոր,

ՄԳ Հայկ Մարտիրոսյան՝ 8 միավոր,

ՄԳ Արամ Հակոբյան՝ 7 միավոր,

ՄԳ Ռոբերտ Հովհաննիսյան՝ 7 միավոր,

ՄՎ Ռոբերտ Փիլիպոսյան՝ 6.5 միավոր,

ՄՎ Արթուր Դավթյան՝ 6.5 միավոր,

ՄԳ Էմին Օհանյան՝ 5.5 միավոր,

ՄԳ Մամիկոն Ղարիբյան՝ 5 միավոր:

ԱՄՆ-ն ներկայացնող հայ շախմատիստ Սամուել Սևյանը վաստակեց 9 միավոր և կիսեց 6-րդ հորիզոնանը՝ լրացուցիչ ցուցանիշներով զբաղեցնելով 11-րդ հորիզոնականը:

Կանանց առաջնությանը մասնակցեցին 42 երկրների 141 շախմատիստուհի, այդ թվում՝ 23 գրոսմայստեր և 32 միջազգային վարպետ:

Աշխարհի չեմպիոնուհի դարձավ Ալեքսանդրա Գորյաչկինան, որը 11 հնարավորից վաստակեց 8.5 միավոր:

Հայ շախմատիստուհիներից լավագույն արդյունքը ցույց տվեց Լիլիթ Մկրտչյանը, որը վաստակեց 7 միավոր և կիսեց 15-րդ հորիզոնականը: Միայն լրացուցիչ ցուցանիշներով Լիլիթը զբաղեցրեց 29-րդ հորիզոնականը:

Ներկայացնում ենք բոլոր հայ շախմատիստուհիների արդյունքները.

ՄՎ Լիլիթ Մկրտչյան՝ 7 միավոր,

ՄԳ Էլինա Դանիելյան՝ 5.5 միավոր,

ԿՄԳ Մարիամ Մկրտչյան՝ 5 միավոր,

ԿՄՎ Սուսաննա Գաբոյան՝ 5 միավոր:

Կայծակնային շախմատի առաջնությունը տեղի կունենա դեկտեմբերի 29-30-ը:

Առաջին խաղային օրը կմեկնարկի Հայաստանի ժամանակով 15:00-ին:

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Դոհայում ավարտվել է 2025 թ. աշխարհի արագ շախմատի առաջնությունը. հայտնի են հայ մարզիկների արդյունքները

Փոխարժեք