Հայաստանից հնարավոր է Ադրբեջան միրգ բանջարեղեն, որոշ տեսակի խմիչք արտահանվի. Պապոյան

Հնարավոր է Հայաստանից Ադրբեջան արտահանում։ Այս մասին այսօր՝ դեկտեմբերի 28–ին, լրագրողների հետ զրույցում ասաց էկոնոմիկայի նախարար Գեւորգ Պապոյանը։

«Ոչ միայն ներմուծում է հնարավոր, այլեւ արտահանում, սպասեք՝ ամեն ինչ էլ հնարավոր է։ Բավականին մրցունակ գին ենք ստացել վրացական երկաթուղուց, այնպես որ հնարավորությունները շատ են։ Կարծում եմ՝ շուտով, վրացական, ադրբեջանական կողմը հերթական հաջող գործարքի մասին կհայտարարեն, մենք էլ կհաստատենք»,– ասաց նախարարը։

NEWS.am–ի հարցին՝ ինչ կարող է առաջարկել Հայաստանն Ադրբեջանին, Պապոյանը պատասխանեց. «Կա ապրանքների ցանկ՝ ալյումին, կենդանիներ, միրգ բանջարեղեն, որոշ տեսակի խմիչքներ, տարբեր տեսակի տեքստիլ արտադրանք, այսինքն աշխատանք կա տարվող, հիմա այս քննարկումների մեջ են»։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝