Ինչի մասին երբեք չի բարձրաձայնի հայտնի փաստաբանը.«Բլից հարցեր հայտնիներին» շարքի հյուրը Լեվոն Բաղդասարյանն է

«Բլից հարցեր հայտնիներին» շարքի շրջանակներում այս անգամ բացահայտում ենք իրավաբանությունից դուրս հայտնի փաստաբան,բազմաթիվ նախադեպային վճիռների հասած, ՄԻԵԴ-ում հաղթական որոշումների հասած «Լեվ Գրուպ» փաստաբանական ընկերության հիմնադիր-ղեկավար, այժմ նաեւ «ԴՕԿ» կուսակցության շտաբի պետ Լեվոն Բաղդասարյանին.

- Երջանկության Ձեր բանաձեւը։

- Երջանկությունը ներքին խաղաղությունն է՝ երբ խիղճդ չի վիճում քո արածի հետ, և վաղվա օրվանից չես ամաչում։

- Իրադարձություն, որը փոխել է կյանքի հունը։

-Այն պահը, երբ հասկացա՝ պատասխանատվությունը չի կարելի փոխանցել ոչ Աստծուն, ոչ ժամանակին, ոչ մարդկանց։ 

- Ձեր պատմական հերոսը։

-Նա, ով պարտվում էր, բայց չէր դավաճանում ։ Հերոսությունը հաղթանակը չէ, այլ հավատարմությունը։

-Ինչի՞ համար եք հաճախ ինքներդ Ձեզ մեղադրում:

-Լռելու համար այն պահերին, երբ պետք էր խոսել։ Լռությունն երբեմն ավելի ծանր մեղք է, քան սխալ խոսքը։

- Դեպք, որը հիշելիս Ձեր խիղճը տանջում է։

- Երբ տեսել եմ անարդարություն և մտածել՝ «ես միայնակ եմ, ոչինչ չի փոխվի»։

- Ձեր Ամենասիրելի զբաղմունքը։

 -Երեխաներից սովորելը։

- Բնավորության ո՞ր գիծը կփոխեիք։

- Չափազանց պահանջկոտ լինելը ինքս իմ նկատմամբ։ Երբեմն դա ուժ է, երբեմն՝ ծանր բեռ։

- Ի՞նչը կարող է ինձ հունից հանել։

-Կեղծ բարոյականությունը։ Երբ մարդը քարոզում է այն, ինչով երբեք չի ապրել։

- Ինչի՞ մասին երբեք չեմ բարձրաձայնի։

- Վստահորդներիս անձնական  կյանքի անձնավորված տվյալներ,որը բացառապես վստահվել է ինձ։

-Այսօրվա իմաստությամբ ի՞նչ խորհուրդ կտայիք 20-ամյա Լեվոնին։

- Լավագույն օրը Այսօր է։

-Եվ վերջում՝ ո՞ւմ մոտ եմ գնում, երբ հուսահատ եք։
 

-Հուսահատությունը իմը չի։ Զրուցում եմ Հայրիկիիս հետ, Երկնային ՀՈՐ հետ, հոգնության փոշին ընկնում է։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝