Մեր ազգին ցանկանում եմ միտք, տոկունություն, հավատք եւ աստվածասիրություն. Պապ Իսպիրյան
Մշակութային
Ավարտին է մոտենում 2025 թվականը, եւ ակամայից բոլորս փորձում ենք ամփոփել տարին՝ երբեմն շնորհակալ լինելով նրանից, երբեմն՝ դժգոհելով: Թե այն ինչպիսին էր երգիչ ՊԱՊ ԻՍՊԻՐՅԱՆԻ համար, «Իրավունք»-ը պարզեց նրանից:
— Նկատել եմ, որ մնացյալ տարիների համեմատ՝ 2025-ն այնքան արագ եւ աննկատ անցավ: Ինձ մոտ դեռ ամառային-աշնանային տրամադրություն է: Մի տեսակ ժամանակը սկսել է շատ արագ ընթանալ: Մարդիկ շտապում են, սակայն երբեմն շտապելուց բազմաթիվ սխալներ են թույլ տալիս: Շտապելն այդքան էլ լավ չէ, պետք է մի քիչ երկար մտածել:
Ստեղծագործական շատ բուռն տարի էր 2025 թվականը՝ ե՛ւ համերգներ ունեցա շատ, ե՛ւ բարեգործական համերգների մասնակցեցի: Եղան նոր երգեր, որոնք արդեն հանդիսատեսի դատին եմ հանձնել: Շատ էի ցանկանում մինչ տարեվերջ մի քանի նոր ստեղծագործություն եւս հանձնել հանդիսատեսին, սակայն ինչ-ինչ պատճառներով չստացվեց:
Հույս ունեմ, որ եկող տարին մեզ համար կլինի հայեցի եւ ժողովրդի համար` ծնունդով լեցուն տարի: Մեզ հիմա ծնունդներ շատ են պետք: Մեր ազգին ցանկանում եմ միտք, տոկունություն, հավատք եւ աստվածասիրություն:
Ցանկանում եմ, որ 2026 թվականը մեր հայ ժողովրդի համար լինի առաջընթացի եւ վերելքների տարի: Հավատացե՛ք, մարդը որքան լավատես է լինում եւ նպատակ է դնում իր առջեւ ու գնում է իր նպատակի հետեւից, ապա այն իրականանում է: Առհասարակ, նպատակները սովորություն ունեն իրականանալու: Ես ցանկանում եմ, որ բոլորի բարի նպատակներն իրականանան 2026 թվականին: Թող որ հայ ազգը վերջնական վերականգնի իր ողնաշարն ու դիրքը:
ՆԱՆԱ ՍԱՐԳՍՅԱՆ
Հռոմի պապը կրկին կոչ է արել դադարեցնել Ուկրաինայում պատերազմը
Այս հաղթանակը նաեւ մեր դասականներին է, որոնք մեզ հետ չեն. Միլիտոնյան
Շատ քչերը գիտեն այս մասին․ ինչու տեւական ժամանակ լռեց երգիչ Մրեն
ՅՈՒՆԵՍԿՕ-ի գլխավոր տնօրենը Զվարթնոցում քննարկել է մշակութային ժառանգության պահպանության հարցերը
1
2438 դիտում
2
1783 դիտում
3
1667 դիտում
4
1605 դիտում
5
1434 դիտում
1
31465 դիտում
2
11474 դիտում
3
11417 դիտում
4
8485 դիտում
5
5699 դիտում
2
19592 դիտում
3
17770 դիտում
