Ասեց` շրջափակման մեջ եմ, ինձ կպայթացնեմ. ՏԱՐՈՆ ԱՆԴՐԵԱՍՅԱՆԻ ԾՆՆԴՅԱՆ ՕՐՆ Է

Այսօր, դեկտեմբերի 25-ը, Արցախյան 44-օրյա դաժան պատերազմի անմահ հերոս ՏԱՐՈՆ ԱՆԴՐԵԱՍՅԱՆԻ ծննդյան օրն է, կդառնար 32 տարեկան։

Անմահ հերոսի եղբայրը ՆԱՐԵԿԸ, Iravunk. com -ի հետ զրույցում նշեց, որ այսօր Տարոնի հուշարձանին են այցելել Արտաշատ համայնքի ղեկավար Կառլեն Մկրտչյանը, հարազատներ, ընկերներ, համագյուղացիներ։ Պուրակում նրանք ծաղիկներ են խոնարհել ու խնկարկել։ Ներկա են գտնվել նաև Տարոնի պատվին անվանակոչված փոքրիկներ։ Նշենք, որ Տարոնը շատ խիզախ հայորդի էր, նա պատերազմի բոթը լսելով, ՌԴ Կրասնոդար քաղաքում գտնվելով, միանգամից վերադարձել է Հայաստան ու սեփական ցանկությամբ կամավորագրվել և մեկնել ռազմաճակատ, մասնակցել Արցախյան 44-օրյա դաժան պատերազմին։ Նրա մարտական ընկերներից մեկը պատմել է, որ Տարոնը եղել է իրենց վաշտի հրամանատարը և երբ Սանասարից նահանջի հրաման են տվել, նա չի նահանջել ու գնացել է առաջ, միայնակ պայքարել է բազմաթիվ ադրբեջանցիների դեմ։ Տարոնի համագյուղացին նշում է, որ զոհվելու օրը, նոյեմբերի 9֊ին, Տարոնը զանգել է տուն ու հորն ասել, որ շրջափակման մեջ է հայտնվել, բայց երբեք գերի չի ընկնի ու նռնակով պայթեցնելու է ինքն իրեն։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ։ ՀԱՎԵՐԺ ՓԱՌՔ ՄԵՐ ԲՈԼՈՐ ԱՆՄԱՀ ՀԵՐՈՍՆԵՐԻՆ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝