Էրդողանը պատրաստվում է հեռացնել Ֆիդանին, ում կասկածում է դավաճանության մեջ

Դամասկոսում արտգործնախարար Ահմեդ ալ-Շարան մամուլի ասուլիսում ծայրահեղ անհարգալից վերաբերմունք ցուցաբերեց Հաքան Ֆիդանի նկատմամբ՝ միջոցառումն ավարտելով առանց Թուրքիայի արտգործնախարարի ելույթի ավարտին սպասելու։ Եվ սա այն դեպքում, երբ ժամանակին սիրիական նորաթուխ իշխանավորները սողում էին Ֆիդանի առաջ՝ նրա համարելով իրենց բարերարը:

Եվ դա պատահական չէր. թուրքական մի շարք աղբյուրներ սկսել են ակնարկել, որ հենց Ֆիդանն էր Էրդողանին ոգեշնչողը՝ կազմակերպել սիրիական հեղաշրջումը: Թիդանը երդվում էր, որ ԱՄն-ի հետ ամեն բան պայմանավորված է՝ հեղաշրջումից հետո Սիրիայի փաստացի կառավարումը կանցնի Անկարային:

Բայց ներկա իրողություններն այլ բան են ցույց տալիս. Թուրքիան դարձաց կրակից շագանակ հանող, մինչդեռ ԱՄՆ-ի օրհնությամբ, սիրիական հեղաշրջման բոլոր պտուղները բաժին է հասնում Իսրայելին, ընդ որում, Թուրքիայի համար հսկայական ռիսկեր ստեղծելով: Իսկ Ֆիդանի հանդեպ նման անհարգալից վերաբերմունքը դրա ապացույցներից մեկն է:

Որոշ տեղյակ իրանական աղբյուրներ վստահ են, որ Էրդողանն այդ սխալը Ֆիդանին չի պատրաստվում ներել: Ավելին, նա այդ ամբոջ օպերացիան համարում է դիտավորություն, որը Ֆիդանն իրականացրել է նաեւ Էրդողանի դիրքերը թուլացնելու համար: Արդյունքում, Իսրայելի օգնությամբ կստանա Թուրքիայի նախագահական աթոռը:

Աղբյուրը նաեւ տեղեկացնում է, որ Էրդողանն ավելի առաջ է ընկել, եւ հիմա սպասվում է Ֆիդանի հրաժարականը, որի այլընտրանքը կարող է կալանքը լինել: Ըստ նույն լուրերի, Էրդողանն արդեն նշանակել է իր սեփական որդուն՝ որպես Ֆիդանինն փոխարինող։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝