Մեղավոր եմ. ինչ է պատմում Հրաչյա Պապինյանը՝ Տեր Վրթանեսի մասին

«Տեր Վրթանեսը նոր էր ծառայության անցել Օձունի վանքում, գնացել էի նկարահանման։ Վանքի սյուներիի շարվածքում հնագույն խաչերի քանդակներ էր հայտնաբերել, որով ապացուցում էր, թե տեղում ավելի հին եկեղեցի է եղել։ Մոմավաճառն ասաց շուտով կգա։ Սպասեցի, ուշանում էր։ Մոմավաճառն ասաց անպայման է գալու։

Երևի մի կես ժամ անցավ, ասում եմ` լավ, ուրա՞ գնացել, գուցե ե՞ս գնամ ետևից։ Մի տեսակ ցածր ձայնով մոմավաճառը թե` մի միայնակ կին կա, նրա տունա գնացել։ Մեղա, մեղա, մտքովս հազար ու մի բան անցավ։ Մի քսան րոպե էլ սպասեցի, մոմավաճառի ասած ճանապարհով գնացի փնտրելու, չգտա։ Միայն հեռվում սևաշոր մեկին տեսա կարծես ցանկապատին թառած, ինչ-որ բան էր եռակցում։ Ետ եկա, տեղ հասա շրջվեցի, տեսնեմ ետևիցս գալիսա, աչքերը ուռած, կարմրած։

Պարզվեց ոչ թե ցանկապատին, այլ դարպասին թառածը հենց Տեր Վրթանեսն է եղել։ Վանքի հարևան մի ծեր կնոջ դարպասն էր եռակցում, որը կախվել և չէր բացվում, իսկ կինը օգնող չուներ։ Տեր Վրթանեսը խնդրել էր գյուղապետին, «հա»-ն ստացել, բայց չէին արել։ Փարաջայի փեշերը մտցրել էր գոտու տակ, բարձրացել դարպասին ու ինքը «սվարկա» արել՝ առանց անհրաժեշտ եռակցողի դիմակի, չէր ճարել։ Ահա այսպիսին է Տեր Վրթանեսը», - ֆեյսբուքյան իր էջում գրել է Հրաչյա Պապինյանը՝ անդրադառնալով Մայր Աթոռի բակում հակաեկեղեցական արշավին դիմակայելու ժամանակ սրտի խնդիրներով հիվանդանոցում հայտնված Արագածոտնի թեմի Բյուրականի Սուրբ Հովհաննես եկեղեցու հոգևոր հովիվ Տեր Վրթանես Բաղալյանի մասին:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝