Ռուսական ուժերը նոր ճակա՞տ են բացում

Հետաքրքիր լուրեր այսօր սկսեցին գալ ուկրաինական Սումիից, որտեղ բավականին ժամանակ ակտիվ ռազմական գործողություններ չկան:

Այսպես, ռուսական աղբյուրները նախ հայտնեցին մարզկենտրոն Սուիից հարավ-արեւելքում գտնվող Վիսոկոե սահմանային բնակավայրի` ռուսական ուժերի կողմից գրավելու մասին: Սկզբնական տպավորությամբ ռուսների նպատակն այդ բնակավայրի կարեւոր դիրքն էր: Այն մարզի ամենաբարձի կետն է, որը հնարավոր է օգտագործել տարբեր խնդիրների համար:

Սակայն քիր անց հայտնի դարձավ, որ ռուսական ուժերը շարունակում են հարձակումը եւ գրավել են նաեւ Վիսոկոեից հարավ գտնվող Ստարապոլե եւ Գրաբովսկոե բնակավայրերը` ստեղծելով մոտ 5 կիլոմետրանոց լայնքով եւ 2 կիլոմետրից ավել խորությամբ ճեղքման գոտի:

Դատելով այդ հատվածում առաջխաղացման արագությունից, ենթադրելի է, որ այստեղ ուկրաինական պաշտպանությունը, մեղմ ասած, թույլ է: Այդ դեպքում արդեն ռուսների համար հնարավորություն է բացվում հարվածը շարունակել տվյալ շրջանային կենտրոնի` Կրասնոպոլեի ուղղությամբ (Քարտեզ 2): Եթե հաջողվի, դա ուկրաինական կողմի համար կդառնա չափազանց վտանգավոր ճեղքում. ռուսական ուժերը Սումի մարզկենտրոնի հարավային մատույցներ դուրս գալու ռեալ սպառնալիք կստեղծեն (Քարտեզ 3): Կամ, առնվազն, ուկրաինական կողմին կստիպեն արագորեն ամրացնել այդ ուղղությունը, որի համար ստիպված են լինելու ուժեր վերցնել ճակատային այլ հատվածներից: Ընդ որում, գործնականում բոլոր ուղղություններում ուկրաինական կողմն առանց այդ էլ ռեզերվների լրջագույն խնդիր ունի:

Այսպիսով, ռուսները նոր ճակա՞տ են բացում. դա պարզ կդառնա առաջիկա մեկ-երկու օրերին, բայց տեսանելի նախադրյալներ այս պահին էլ կան կան:

Տես նաեւ https://t.me/iravunk/62329 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝