Մի ռեժիմ, որը քաղբանտարկյալներ է պահում, եմ-ի կողմից հավելյալ քաջալերվում է. Մամիջանյան

Եվրահանձնաժողովի ընդլայնման հարցերով հանձնակատար Մարթա Կոսը տեղեկացրել էր, որ ԵՄ-ն պատրաստվում է 12 միլիոն եվրոյի աջակցություն տրամադրել Հայաստանին՝ երկրում 2026 թվականի ամռանը կայանալիք խորհրդարանական ընտրություններին ընդառաջ հնարավոր հիբրիդային սպառնալիքներին դիմակայելու, ինչպես նաեւ կիբեռանվտանգությունն ամրապնդելու հարցով: Անդրադառնալով վերոնշյալին՝ ԱԺ «Պատիվ ունեմ» խմբակցության ղեկավար ՀԱՅԿ ՄԱՄԻՋԱՆՅԱՆՆ ասաց, որ իր համար անհասկանալի է, որ մի ռեժիմ, որը քաղբանտարկյալներ է պահում, ոստիկանական բռնաճնշումներ է իրականացնում, դատական, իրավական համակարգն է ուզուրպացրել, դեռ մի հատ էլ ԵՄ-ի կողմից հավելյալ քաջալերվում է։

— Կտեսնեք՝ 15 միլիոնը շատ արագ կհատկացնեն, քանի որ դա Փաշինյանի իշխանությունը պահելու համար է։ Հետագայում Փաշինյանն ինչ ուզի, անելու է այլախոհների նկատմամբ, եւ դա փաթեթավորելու է, որ արտաքին ներգործություն է։ Այս գործընթացը երկու կարեւոր բաղադրիչ ունի՝ առաջինը գումարի տեսքով ֆինանսական ներգործություն է իրականացվում ՀՀ-ում ընտրական գործընթացներին, եւ սա ակնհայտ քարտ բլանշ է․ ի սկզբանե ձեւակերպած է, որով իրականացվելու են բռնաճնշումներ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝