ՌԴ-ում առաջիկա կես կամ մեկ տարվա ընթացքում ամբողջությամբ կբլոկավորեն YouTube-ը
Միջազգային
Ռուսաստանում առաջիկա կես կամ մեկ տարվա ընթացքում ամբողջությամբ կբլոկավորեն YouTube-ը։ Այս մասին հայտարարել է Պետդումայի տեղեկատվական քաղաքականության, տեղեկատվական տեխնոլոգիաների և կապի կոմիտեի փոխնախագահ Անդրեյ Սվինցովը։ «Սա կապված է այն բանի հետ, որ այն նախկինի պես շարունակում է անտեսել գործող ռուսական օրենսդրությունը։ Բոլոր նրանք, ովքեր օգտագործում են այս հարթակը սեփական բովանդակությունը առաջ մղելու համար, պետք է հնարավորինս արագ անցում կատարեն փոխարինողներին՝ Rutube, «VK Video» և այլն»,— ասել է Սվինցովը «Աբզաց» պարբերականին տված հարցազրույցում։
Առաջին անգամ ռուսաստանցիները YouTube-ի աշխատանքի դադարեցմանը բախվել են 2024 թվականի հուլիսի վերջին։ Սկզբում «Ռոսկոմնադզորը» տեղի ունեցածը բացատրել է տեսահոսթինգի սեփականատիրոջ՝ Google կորպորացիայի կողմից առկա «տեխնիկական խնդիրներով», որը վաղուց չէր թարմացրել Ռուսաստանում իր սերվերները։ Ավելի ուշ Պետդումայի նախկին պատգամավոր Ալեքսանդր Խինշտեյնը, ով գլխավորում է ստորին պալատի տեղեկատվական քաղաքականության կոմիտեն, խոստովանել է, որ YouTube-ի աշխատանքի դանդաղեցումը նախաձեռնվել է ռուսական իշխանությունների կողմից։ Անցյալ տարվա դեկտեմբերին ռուսական բոլոր խոշոր բջջային օպերատորները՝ МТС-ը, «Билайн»-ը, «МегаФон»-ը, «Теле2»-ն և Yota-ն, փաստացի անհնարին են դարձրել YouTube-ով տեսանյութերի դիտումը։ Դրանից հետո «Ռոսկոմնադզորը» հաստատել է, որ սահմանափակել է Ռուսաստանում ծառայության աշխատանքը՝ «օրենսդրության խախտման» և երկրի նկատմամբ «անհարգալից վերաբերմունքի» պատճառով։ Մասնավորապես, գերատեսչությունը YouTube-ին մեղադրել է ավելի քան 200 ռուսական քարոզչական ալիքների արգելափակման մեջ։
Սակայն մինչ այժմ YouTube-ի հասանելիությունը պահպանում են ռուսաստանյան տարածաշրջանների փոքր ինտերնետ-պրովայդերները։ Այսպես, Սանկտ Պետերբուրգում մինչև վերջին ժամանակներս տեսահարթակով հոլովակներ կարող էին դիտել SkyNet-ի, «еТелеком»-ի և «Невалинк»-ի բաժանորդները, սակայն «Ռոսկոմնադզորը» փակել է սերվիսի մնացած հասանելիությունը։ «Մեր կողմից սերվիսի աշխատանքի սահմանափակումներ չկան և պատճառները գտնվում են ինտերնետ-պրովայդերի ազդեցության գոտուց դուրս»,- նշել են «еТелеком»-ում։ Միևնույն ժամանակ, YouTube-ի նկատմամբ ռուսական իշխանությունների գործողությունները հանգեցրել են նրան, որ Ռուսաստանում կտրուկ աճել է VPN-ծառայություններից օգտվողների թիվը, որոնք թույլ են տալիս շրջանցել արգելափակումները։ Ըստ «Լևադա-կենտրոնի» հարցման՝ 2025 թվականի մարտին նրանց թիվը 36%-ով ավելի շատ է եղել, քան մեկ տարի առաջ։
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
Ռուսական ուժերն ամբողջությամբ գրավել են Միրնոգրադը. Պոկրովսկ-Միրնոգրադի ճակատամարտն ավարտված է 
Առաջիկա 10 օրերին էլ ձյուն չի լինի, հանրապետության ողջ տարածքում կլինի պարզ երկինք և առանց տեղումների եղանակ. Գագիկ Սուրենյան (Տեսանյութ) 
Եղանակն առաջիկա օրերին 
«Սարխանի» լրտեսության գործի մանրամասները. «Սալամ, Թուրալ» 
Առաջիկա օրերին ԱՄՆ-ի և Ուկրաինայի միջև նոր հանդիպում կարող է տեղի ունենալ.Զելենսկի 
1
2866 դիտում
2
2729 դիտում
3
2517 դիտում
4
2460 դիտում
5
2063 դիտում
1
40091 դիտում
2
8965 դիտում
3
8125 դիտում
4
5024 դիտում
5
3975 դիտում
2
16227 դիտում
3
10505 դիտում
4
9901 դիտում
5
9214 դիտում
