Թրամփը սպառնացել է նոր մաքսատուրքերով

ԱՄՆ նախագահ Դոնալդ Թրամփը սպառնացել է Թաիլանդի և Կամբոջայի իշխանություններին նոր մաքսատուրքերով նրանց արտադրանքի վրա, եթե երկու երկրների միջև թշնամական գործողությունները չդադարեն։

Ամերիկացի առաջնորդը այս մասին հայտարարել է The Wall Street Journal-ին տված հարցազրույցում, որը հրապարակվել է շաբաթ օրը։

«Ես ընդամենը 10 րոպե առաջ կիրառեցի մաքսատուրքերը՝ Թաիլանդի և Կամբոջայի միջև նոր լարվածությունը լուծելու համար: Ես ասացի՝ եթե դուք պատերազմեք, ես ոչ միայն կչեղարկեմ մեր առևտրային համաձայնագիրը, այլև մաքսատուրքեր կսահմանեմ ձեր երկրների վրա:

Ոչ ոք չի կարող դա անել, բացի ինձանից», - բացատրել է Թրամփը։

Ըստ հրատարակության՝ հարցազրույցը ձայնագրվել է ուրբաթ օրը։ Թրամփը, ըստ երևույթին, նկատի է ունեցել  այդ օրն ավելի վաղ Թաիլանդի և Կամբոջայի վարչապետներ Անութին Չանվիրակունի և Խուն Մանեթի հետ ունեցած հեռախոսազրույցները։

ԱՄՆ նախագահը վստահություն է հայտնել, որ մաքսատուրքերի սահմանման հնարավորությունը կարևոր արտաքին քաղաքականության գործիք է իր վարչակազմի համար։ Թրամփն ընդգծել է, որ «սարսափելի» կլինի ամերիկյան կողմի համար, եթե ԱՄՆ Գերագույն դատարանը իր կողմից սահմանված որոշ մաքսատուրքեր անօրինական ճանաչի։ Այնուամենայնիվ, ամերիկացի առաջնորդը վստահեցրել է, որ նույնիսկ նման դեպքում ինքը կգտնի իրավական հիմնավորում հետագա մաքսատուրքերի համար:

ԱՄՆ Գերագույն դատարանը դեռևս քննարկում է այս հարցը։

Թրամփը ուրբաթ օրը հայտարարել է, որ հեռախոսազրույց է ունեցել Թաիլանդի և Կամբոջայի վարչապետների հետ: Սպիտակ տան ղեկավարը վստահեցրել է, որ երկու առաջնորդները համաձայնել են դադարեցնել ռազմական գործողությունները 24 ժամվա ընթացքում և վերադառնալ խաղաղության համաձայնագրերի իրականացմանը

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝