ՌԴ-ում վրացական ռեստորանի մենեջերը տուգանվել է եկեղեցին գմբեթների փոխարեն խինկալիով պատկերելու համար

Միջազգային 12 Դեկտեմբեր, 2025 8:40

Ռուսաստանում վրացական ռեստորանի մենեջերը տուգանվել է Վասիլի Բլաժեննիի տաճարը գմբեթների փոխարեն խինկալիով պատկերելու համար, հաղորդում է Грузия Online-ը։

Հաճախորդը բողոք է ներկայացրել Օրենբուրգի վրացական «Nino&Vano» ռեստորանի դեմ՝ «հավատացյալների զգացմունքները վիրավորելու» համար։ Գործը սկսվել է Մոսկվայի Վասիլի Բլաժեննիի տաճարը պատկերող գովազդային թռուցիկներից, որոնց վրա գմբեթների փոխարեն խինկալի է պատկերված։

Դատարանի հայտարարության մեջ նշվում է, որ դատախազության ներկայացուցիչը հարցաքննել է Ռուս ուղղափառ եկեղեցու Օրենբուրգի թեմի փաստաբանին։ Վերջինս հաստատել է, որ Վասիլի Բլաժեննիի տաճարը գործող եկեղեցի է, և, հետևաբար, թռուցիկին պատկերվածը «սրբավայրի ուղղակի պղծում է»։

«Իրականում թյուրիմացություն է տեղի ունեցել։ Մեր ընկերությունը անպատշաճ սպասարկման զոհ է դարձել։ Երբ միջադեպից հետո կապ հաստատեցինք նախագծային ընկերության հետ, դիզայները մեզ ասաց, որ դա նեյրոցանցն է ստեղծում, և իրենք չարամիտ մտադրություն չեն ունեցել»,- նշել են փաստաբանները։

Դատարանը չի համաձայնել նրանց փաստարկների հետ, և ռեստորանի մենեջերին տուգանել է 150 հազար ռուբլով՝ կրոնական պաշտամունքի առարկաները պղծելու համար։

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

ՌԴ-ում վրացական ռեստորանի մենեջերը տուգանվել է եկեղեցին գմբեթների փոխարեն խինկալիով պատկերելու համար

Փոխարժեք